درِ مصطفیٰؐ پہ سوال ہے درِ مجتبیٰؐ پہ سوال ہے
درِ الضحیٰ پہ سوال ہے کہ جو شمع بزمِ خیال ہے
Dar-e Mustafa (SAW) pe sawaal hai dar-e Mujtaba (SAW) pe sawaal hai
Dar-e Alzhuha pe sawaal hai ke jo shama bazm-e khayal hai
میری زندگی تیری بندگی ‘ تیری بندگی میری زندگی
تیرا حسن خاتمِ دلبری ‘ تو رسولنا ہمہ حال ہے
Meri zindagi teri bandagi, teri bandagi meri zindagi
Tera husn khatam-e dilbari, tu Rasooluna hama hal hai
تو ہی کائنات کا راز ہے تیرا عشق عین نماز ہے
مجھے تیری ذات پہ ناز ہے تو ورائے مثل و مثال ہے
Tu hi kainaat ka raaz hai tera ishq ain namaaz hai
Mujhe teri zaat pe naaz hai tu waraye misl-o misaal hai
تو خدا کا نور خدا نما یہ ہے من رآنی کا مدعا!
تیرے واسطے سے خدا ملا تو خدا کا حسنِ خیال ہے
Tu Khuda ka noor khuda numa ye hai man ra'ani ka mudda!
Tere wastay se khuda mila tu khuda ka husn-e khayal hai
تو رؤف ہے تو رحیم ہے ‘ تیرا نور نُورِ قدیم ہے
تو احد کا پردہء میم ہے تو مصوّری کا کمال ہے
Tu Raoof hai tu Raheem hai, tera noor Noor-e Qadeem hai
Tu Ahad ka parda-e Meem hai tu musawwiri ka kamaal hai
تیرا اسم عین صفات ہے تیری ذا ت مظہرِ ذات ہے
تیرا عشق اصلِ حیات ہے میری زندگی کا مآل ہے
Tera ism ain sifaat hai teri zaat mazhar-e zaat hai
Tera ishq asl-e hayaat hai meri zindagi ka ma'al hai
ہے یہ التجا میرے ملتجا‘ مجھے جام دے میرے ساقیا
میں گدا ہوں تیرے جمال کا ‘ مجھے آرزوئے وصال ہے
Hai ye iltija mere multaja, mujhe jaam de mere saaqiya
Main gada hoon tere jamaal ka ‘ mujhe aarzoo-e visaal hai
میرا سینہ سینئہ طور ہو‘ ترے نور ہی کا ظہور ہو
یہ کرم حضورؐ ضرور ہو ‘ کہ وسیع ترا جمال ہے
Mera seena seenah-e Toor ho, tere noor hi ka zuhoor ho
Ye karam Huzoor (SAW) zaroor ho, ke wasi' tera jamaal hai
بڑی دیر سے تھی یہ آرزو تیرا آستانہ ہو روبرو
میری جستجو ہوئی سرخرو ‘ یہ تیری نظر کا کمال ہے
Barhi der se thi ye aarzoo tera aastana ho roobaru
Meri justaju hui surkhuru, ye teri nazar ka kamaal hai
تیرے نام سے جو بنا وطن ‘ ہے اسی پہ وقت بڑا کٹھن
ہو نگاہِ لطف شہِ زمن میری آبرو کا سوال ہے
Tere naam se jo bana watan, hai usi pe waqt bara kathin
Ho nigah-e lutf shah-e zaman meri aabroo ka sawaal hai
تیرا بندہ واصفِؔ بے خبر‘ تیرے عشق سے ہوا بہرہ ور
تیرا راز سمجھا ہے ا س قدر ‘ تیرا راز پانا محال ہے
Tera banda Wasif (RA) be khabar, tere ishq se hua behra war
Tera raaz samjha hai is qadar, tera raaz pana mahaal hai
Share This Naat
Share with friends and family
درِ مصطفیٰؐ پہ سوال ہے درِ مجتبیٰؐ پہ سوال ہے
واصف علی واصف