پنچھی بن کر سانجھ سویرے طیبہ نگریا جاؤں
اُڑتے اُڑتے یادِ نبیؐ میں اپنے پَر پھیلاؤں
Panchhi ban kar sanjh sawere taiba nagriya jaon
Urdte urdte yaad-e-Nabiؐ mein apne par phelaon
نور کے َتڑکے حمد کے میٹھے میٹھے بول سناؤں
کومل کومل سُروں میں چہکوں، نعت نبیؐ کی گاؤں
Noor ke tarke hamd ke meethe meethe bol sunaon
Komal komal suron mein chahkon, naat e Nabiؐ ki gaon
گنبد ِ سبز کے جلوے ایسے جیسے نور کے دھارے
کردیں دُور اندھیرا دل کا نورانی لشکارے
Gunbad-e-sabz ke jalwe aise jaise noor ke dharay
Karden door andhera dil ka noorani lashkare
پیارے نبیؐ کا دیس ہے پیارا ٹھنڈی ٹھار ہوائیں
اُس کی یاد یں خوشبو بن کر نَس نَس میں لہرائیں
Pyare Nabiؐ ka des hai pyara thandi thaar hawayein
Us ki yaden khushbu ban kar nas-nas mein lehrayein
جِھلمل جِھلمل کرتی آنکھیں آنسو بہتے جائیں
میرے نبیؐ سے میرے دل کی بپتا کہتے جائیں
Jhilmal jhilmal karti aankhein aansu behte jaein
Mere Nabiؐ se mere dil ki bapta kehte jaein
پنچھی بن کر سانجھ سویرے طیبہ نگریا جاؤں
اُڑتے اُڑتے یادِ نبیؐ میں اپنے پَر پھیلاؤں
Panchhi ban kar sanjh sawere taiba nagriya jaon
Urdte urdte yaad-e-Nabiؐ mein apne par phelaon
Share This Naat
Share with friends and family
پنچھی بن کر سانجھ سویرے طیبہ نگریا جاؤں
اسلم فیضی