دہر سے ہوگئی اصنام پرستی منسوخ
آئے سرکار ہوئی رسمِ قدیمی منسوخ
dahr se ho gayi asnaam parasti mansookh
aaye sarkar hui rasm-e-qadeemi mansookh
بیٹیوں کو ملی توقیر پیمبر کے طفیل
قتلِ دختر کی ہوئی رسم پرانی منسوخ
betiyon ko mili taqeer payambar ke tufaiel
qatl-e-dukhtar ki hui rasm purani mansookh
تھا چلن شاہوں کے دربار میں کم ہونے کا
شہ نے کی یہ روشِ خام جہاں کی منسوخ
tha chalan shahoon ke darbar mein kam hone ka
shah ne ki yeh rawish-e-khaam jahan ki mansookh
آپ نے بخشا صحابہ کو خلافت کا نظام
حکمرانی کیا سرکار نے شخصی منسوخ
aap ne bakhsa sahaba ko khilafat ka nizaam
hukmarani kiya sarkar ne shakhsī mansookh
ایسا پیغامِ مساوات دیا آقاؐ نے
ساری دنیا سے ہوئی رسمِ غلامی منسوخ
aisa paighaam-e-masawat diya aaqa ne
saari duniya se hui rasm-e-ghulami mansookh
جس میں ہو جائے گا آقاؐ کا وسیلہ شامل
ہوگی دربارِ خدا سے نہ وہ عرضی منسوخ
jis mein ho jaye ga aaqa ka waseela shaamil
hogi darbar-e-khuda se na wo arzi mansookh
چاشنی جن میں پیمبر سے عقیدت کی نہ ہو
ہوتی ہیں پیشِ نبی مدحتیں ایسی منسوخ
chaashni jin mein payambar se aqeedat ki na ho
hoti hain paish-e-nabi madhatein aisi mansookh
واسطہ دے کے محمد کا دعا جب مانگی
پھر تو آدم کی خدا نے نہ دعا کی منسوخ
wasta de ke Muhammad ka dua jab maangi
phir to Adam ki khuda ne na dua ki mansookh
حشر میں ہوگئی احسؔن جو نگاہِ آقاؐ
پھر سزا جتنی ہے ہو جائے گی تیری منسوخ
hashr mein ho gayi Ahsan jo nigah-e-aqa
phir saza jitni hai ho jaye gi teri mansookh
Share This Naat
Share with friends and family
دہر سے ہوگئی اصنام پرستی منسوخ
احسن اعظمی