چانن ہے عرشاں فرشاں تے نورِ یزدان محمد دا
ہے راج زمانیاں ساریاں تے عربی سُلطان محمد دا
Chanan hai arshaan farshaan te noor-e-Yazdan Muhammad da
Hai raaj zamaniyan saariyan te Arabi Sultan Muhammad da
ہر اک نُوں کملی والے دے در توں ای ٹکڑا ملدا اے
ہے وچھیا ہویا دو جگ تے بس دستر خوان محمد دا
Har ik noon Kamli wale de dar toon ae tukda milda ae
Hai vichhiya hoya do jug te bas dastar khwan Muhammad da
چن فلک دا ٹکڑے ہو جاندا مُڑ سورج پیچھے آؤندا اے
جس وقت اشارا ہو جاندا ماہِ تابان محمد دا
Chan falak da tukde ho janda mur sooraj peecheya aonda ae
Jis waqt ishaara ho janda maah-e-taaban Muhammad da
ملاں توں کردا رہنا ایں اوہدی مختاری دے شکوے
ہے جاری ہر دو عالم وچ شاہی فرمان محمد دا
Mulla toon karda rehna ae ohdi mukhtari de shikway
Hai jari har do aalam vich shahi farman Muhammad da
سُٹ شیشہ ہتھ چوں بھن سُٹدے نان حُسن تے ناز کدی کر دے
اک وار جے جلوہ تک لیندے ماہِ کنعان محمد دا
Sut sheesha hath choon bhan sutde naan husn te naaz kadi kar de
Ik waar je jalwa tak lainde maah-e-kanan Muhammad da
دوزخ وچ گھلے صائم نُوں رحمت نوں گوارا نہیں ہونا
دوزخ وچ جا نئیں سکدا اے کدی مُدَحَ خوان مُحمد دا
Dozakh vich ghale Saaim noon rehmat noon gawara nahi hona
Dozakh vich ja nahi sakda ae kadi mud'ha khwan Muhammad da
Share This Naat
Share with friends and family
چانن ہے عرشاں فرشاں تے نورِ یزدان محمد دا
علامہ صائم چشتی