چلے نہ ایمان اِک قدم بھی ، اگر ترا ہمسفر نہ ٹھہرے
تِرا حوالہ دیا نہ جائے تو زندگی معتبر نہ ٹھہرے
Chale na imaan ik qadam bhi, agar tera humsafar na thehre
Tera hawala diya na jaye to zindagi mo'tabar na thehre
تُوسایہء حق پہن کے آیا ، ہر اک زمانے پہ تیرا سایا
نظر تری ہر کسی پہ ، لیکن کسی کی تُجھ پر نظر نہ ٹھہرے
To saayah-e-haq pehn ke aaya, har ek zamane pe tera saaya
Nazar teri har kisi pe, lekin kisi ki tujh par nazar na thehre
لبوں پہ اِیّاکَ نَسْتَعِیں ہے اور اس حقیقت پہ بھی یقیں ہے
اگر ترے واسطے سے مانگوں کوئی دُعا بے اثر نہ ٹھہرے
Labon pe iyyak nasta'een hai aur is haqeeqat pe bhi yaqeen hai
Agar tere wastay se maangoon koi dua be-asar na thehre
حقیقتِ بندگی کی راہیں ، مدینہء طیّبہ سے گُزریں
مِلے نہ اُس شخص کو خُدا بھی ‘ جو تیری دہلیز پر نہ ٹھہرے
Haqeeqat-e-bandagi ki rahein, Madinah-e-tayyibah se guzreen
Mile na us shakhs ko Khuda bhi, jo teri dehleez par na thehre
کُھلی ہوں آنکھیں کہ نیند والی نہ جائے کوئی بھی سانّس خالی
درود جاری رہے لبوں پر ، یہ سلسلہ لمحہ بھر نہ ٹھہرے
Khuli hon aankhein ke neend wali na jaye koi bhi saans khaali
Durood jari rahe labon par, yeh silsila lamha bhar na thehre
تجھے مَیں چاہوں اور اتنا چاہوں کہ سب کہیں ‘ تیرا نقشِ پا ہُوں
ترے نشانِ قدم کے آگے کوئی حسیں رہگزر نہ ٹھہرے
Tujhe main chaahoon aur itna chaahoon ke sab kahen, tera naqsh-e-pa hoon
Tere nishan-e-qadam ke aage koi haseen rahguzar na thehre
یہ میرے آنّسُو خراج میرا ، مرا تڑپنا علاج میرا
مرض مرا اُس مقام پر ہے جہاں کوئی چارہ گر نہ ٹھہرے
Yeh mere aansoo khiraj mera, mera tadapna ilaaj mera
Marz mera us maqam par hai jahan koi chara gar na thehre
دِکھا دو جلوہ بغور اِس کو ، بُلا لو اِک بار اَور اِس کو
کہیں مظفّؔر بھی ، شاخ پر سُوکھ جانے والا ثمر نہ ٹھہرے
Dikha do jalwa baghor is ko, bula lo ik baar aur is ko
Kahin Muzaffar bhi, shaakh par sookh jane wala samar na thehre
Share This Naat
Share with friends and family
چلے نہ ایمان اِک قدم بھی
مظفر وارثی