بوئے بہشت، زوجِ علی، دخترِ رسول
اُم ابیہا، زہرا و منصورہ و بتول
Booye behisht, zauje ali, dukhtar-e rasool
Um abeeha, zahra o mansoorah o batool
Kalsoom, saraa, asia, maryam ke ghoal mein
Manind-e mahtab hua khaak par nazool
کلثوم، سارا، آسیہ ، مریم کے غول میں
مانندِ ماہتاب ہوا خاک پر نزول
Batn-e khadeeja se adab adaab yafta
Molaaye kainaat jise songhtay wo phool
بطنِ خدیجہ سے ادب آداب یافتہ
مولائے کَائنات جسے سونگھتے وہ پھول
Jannat ki nematein, tere faqon ki mehzbaan
Honay diya na tujh ko khuda ne kabhi malool
جنّت کی نعمتیں، ترے فاقوں کی میزباں
ہونے دیا نہ تجھ کو خدا نے کبھی ملول
Baba ke baad tu bhi zyada na jee saki
Din zindagi ke sirf bahtar kiye qabool
بابا کے بعد تو بھی زیادہ نہ جی سکی
دن زندگی کے صرف بہتّر کئے قبول
Tujh se faqat waarisat-e nasl-e padar chali
Ek zain-ul-abideen ne shajra kiya wasool
تجھ سے فقط وارثتِ نسلِ پدر چلی
اک زین العابدین نے شجرہ کیا وصول
Hai naaz deen ko tere betay hussain par
Apne lahoo se likh gaya sachai ke usool
Zainab ke sar pe jab koi chadar nahi rahi
Tujh se lipat ke rone lagi karbala ki dhool
Mahshar mein zalimon pe karun ga muqadma
Rakh li hain jeep-e rooh mein tareekh ke naqool
ہے ناز دین کو ترے بیٹے حسین پر
اپنے لہو سے لکھ گیا سچائی کے اصول
زینب کے سر پہ جب کوئی چادر نہیں رہی
تجھ سے لپٹ کے رونے لگی کربلا کی دُھول
محشر میں ظالموں پہ کروں گا مقدّمہ
رکھ لی ہیں جیبِ روح میں تاریخ کے نقول
Share This Naat
Share with friends and family
بوئے بہشت، زوجِ علی، دخترِ رسول
مظفر وارثی