بولتا میں ہوں حقیقت نظر آئے اس کی
پسِ ہر آئنہ صورت نظر آئے اس کی
Bolta main hoon haqeeqat nazar aaye us ki
Pas-e har aina soorat nazar aaye us ki
ہر سحر ہوتی ہے اس کی ہی اجازت سے طلوع
لمحے لمحے میں صداقت نظر آئے اس کی
Har sehar hoti hai us ki hi ijaazat se taloo
Lamha lamha mein sadaqat nazar aaye us ki
ذہنِ انساں کی رسائی سے بہت بالا ہے
نارسائی میں بھی حکمت نظر آئے اس کی
Zehen-e insaan ki resai se bohat bala hai
Na-rasai mein bhi hikmat nazar aaye us ki
ایک ہو کر بھی وہ موجود ہر اک رنگ میں ہے
یعنی کثرت میں بھی وحدت نظر آئے اس کی
Ek ho kar bhi woh moujood har aik rang mein hai
Yani kasrat mein bhi wahdat nazar aaye us ki
غور کیجئے تو نکل آتے ہیں مطلب کتنے
ذرہ ذرہ مجھے آیت نظر آئے اس کی
Ghor kijiye to nikal aate hain matlab kitne
Zarra zarra mujhay aayat nazar aaye us ki
ہر برائی پہ ملامت کرے انساں کا ضمیر
دلِ مجرم بھی عدالت نظر آئے اس کی
Har burai pe malaamat kare insaan ka zameer
Dil-e mujrim bhi adaalat nazar aaye us ki
ہم خریدارِ زمیں اور وہ زمیں کا خالق
حاکموں پر بھی حکومت نظر آئے اس کی
Hum kharidaar-e zameen aur woh zameen ka khaleq
Haakimon par bhi hukoomat nazar aaye us ki
میں ہوں زندہ تو مظفرؔ یہ کرم ہے اس کا
میری ہر سانس میں قدرت نظر آئے اس کی
Main hoon zinda to Muzaffar yeh karam hai uska
Meri har saans mein qudrat nazar aaye us ki
Share This Naat
Share with friends and family
بولتا میں ہوں حقیقت نظر آئے اس کی
مظفر وارثی