بھاگتی تھی ڈھونڈنے پانی کو ماں
حاجرہ مہر و وفا کی ترجماں
Bhaagti thi dhoondne paani ko maa
Hajira mehr o wafa ki tarjumaan
ایک ماں تھی وادیِ بے زرع میں
اور اک بیٹا تھا زیرِ آسماں
Ek maa thi waadi-e be zar' mein
Aur ek beta tha zer-e aasman
ایڑیاں رگڑیں جو پیاسے طفل نے
چشمۂ زمزم کیا رب نے رواں
Edian ragdrin jo pyaase tifl ne
Chashma-e zamzam kiya Rab ne rawaan
ہے اسی مادر کی سنّت آج تک
سعیِ عمرہ کی حقیقی داستاں
Hai isi madar ki sunnat aaj tak
Sa'ee-e umrah ki haqeeqi daastaan
ذکرِ ابراہیمؑ و اسماعیلؑ سے
تذکرہ ہے شاہؐ کا منظور یاں
Zikr-e Ibrahim a.s. o Ismail a.s. se
Tazkira hai Shah ka manzoor yaan
شاہِؐ والا کے ہمہ اسلاف ہیں
دین کی تاریخ کے روحِ رواں
Shah-e wala ke humah aslaaf hain
Deen ki tareekh ke roh-e rawaan
ہے وراثت کعبۃ اللہ آپؐ کی
صاحبِ قرآں ، امامِ مرسلاں!
Hai virasat Ka'aba Allah aap ki
Sahib-e Qur'an, Imam-e mursalan!
اتّباعِ سیّدِؐ کونین میں
جانبِ طیبہ ہوں مکّہ سے رواں
Ittiba-e Sayyid-e konain mein
Janib-e tayyiba hoon Makkah se rawaan
آبِ زمزم پی کے پیاسیں بجھ گئیں
جامِ کوثر کی طرف ہے اب دھیاں
Aab-e Zamzam pi ke piyasi bujh gayi
Jaam-e Kawthar ki taraf hai ab dhyan
شکر ہے مدحت گرانِ شاہؐ میں
ایک طاہرؔ بھی ہے ان کا نعت خواں
Shukr hai mad-hat garan-e Shah mein
Ek Tahir bhi hai un ka naat khwan
Share This Naat
Share with friends and family
بھاگتی تھی ڈھونڈنے پانی کو ماں
پروفیسر محمد طاہر صدیقی