بزمِ محشر منعقد کر میرِ سامانِ جمال
دل کے آئینوں کو مدت سے ہے اَرمانِ جمال
Bazm-e-mehshar munaqid kar meer-e-samaan-e-jamal
Dil ke aa'inon ko muddat se hai armaan-e-jamal
اپنا صدقہ بانٹتا آتا ہے سلطانِ جمال
جھولیاں پھیلائے دوڑیں بے نوایانِ جمال
Apna sadqa baant'ta aata hai sultan-e-jamal
Jholiyan phelaye dodren be nawayaan-e-jamal
جس طرح سے عاشقوں کا دل ہے قربانِ جمال
ہے یوہیں قربان تیری شکل پر جانِ جمال
Jis tarah se aashiqon ka dil hai qurban-e-jamal
Hai yuhin qurban teri shakal par jaan-e-jamal
بے حجابانہ دِکھا دو اِک نظر آنِ جمال
صدقے ہونے کے لئے حاضر ہیں خواہانِ جمال
Be hijabana dikha do ik nazar aan-e-jamal
Sadqey hone ke liye hazir hain khahaan-e-jamal
تیرے ہی قامت نے چمکایا مقدر حسن کا
بس اسی اِکِّے سے روشن ہے شبستانِ جمال
Tere hi qamat ne chamkaya muqaddar husn ka
Bas isi ikkay se roshan hai shabistan-e-jamal
رُوح لے گی حشر تک خوشبوئے جنت کے مزے
گر بسا دے گا کفن عطر گریبانِ جمال
Rooh le gi hash'r tak khushbuye jannat ke maze
Gar basa de ga kafan atr gareban-e-jamal
مر گئے عشاق لیکن وا ہے چشم منتظر
حشر تک آنکھیں تجھے ڈھونڈیں گی اے جانِ جمال
Mar gaye aashiq lekin waah hai chashm muntazir
Hash'r tak aankhen tujhe dhoondhen gi ae jaan-e-jamal
پیشگی ہی نقد جاں دیتے چلے ہیں مشتری
حشر میں کھولے گا یارب کون دکانِ جمال
Peshgi hi naq'd jaan dete chale hain mushtari
Hash'r mein khole ga yarab kaun dukaan-e-jamal
عاشقوں کا ذکر کیا معشوق عاشق ہوگئے
انجمن کی انجمن صدقے ہے اے جانِ جمال
Aashiqon ka zikar kiya maashooq aashiq hogaye
Anjuman ki anjuman sadqe hai ae jaan-e-jamal
تیری ذُرِّیت کا ہر ذَرَّہ نہ کیوں ہو آفتاب
سر زمین حسن سے نکلی ہے یہ کانِ جمال
Teri zuriyyat ka har zarra na kyun ho aaftab
Sar zameen husn se nikli hai ye kaan-e-jamal
بزمِ محشر میں حسینانِ جہاں سب جمع ہیں
پر نظر تیری طرف اُٹھتی ہے اے جانِ جمال
Bazm-e-mehshar mein hussainaan-e-jahan sab jama hain
Par nazar teri taraf uth'ti hai ae jaan-e-jamal
آرہی ہے ظلمت شب ہائے غم پیچھا کئے
نورِ یزداں ہم کو لے لے زیر دامانِ جمال
Aarehi hai zulmat shab haaye gham peecha kiye
Noor-e-yazdan hum ko le le zair daaman-e-jamal
وسعت بازارِ محشر تنگ ہے اس کے حضور
کس جگہ کھولے کسی کا حسن دکان جمال
Wusat bazaar-e-mehshar tang hai is ke huzoor
Kis jagah khole kisi ka husn dukaan-e-jamal
خوبرویانِ جہاں کو بھی یہی کہتے سنا
تم ہو شانِ حسن جانِ حسن ایمانِ جمال
Khoobroyaan-e-jahan ko bhi yehi kehte suna
Tum ho shaan-e-husn jaan-e-husn imaan-e-jamal
تیرہ و تاریک رہتی بزمِ خوبانِ جہاں
گر تیرا جلوہ نہ ہوتا شمع ایوانِ جمال
Teerah o tareek rahti bazm-e-khuban-e-jahan
Gar tera jalwa na hota sham'a aiwan-e-jamal
میں تصدق جاؤں اے شمس الضحٰے بدرالدجیٰ
اس دلِ تاریک پر بھی کوئی لمعانِ جمال
Main tasaddoq jaon ae shams-ud-doha badr-ud-duja
Is dil-e-tareek par bhi koi lam'aan-e-jamal
سب سے پہلے حضرتِ یوسف کا نامِ پاک لوں
میں گناؤں گر تیرے اُمیدوارانِ جمال
Sab se pehle hazrat-e-yusuf ka naam-e-pak loon
Main gunaoon gar tere umedawaran-e-jamal
بے بصر پر بھی یہ اُن کے حسن نے ڈالا اثر
دل میں ہے پھوٹی ہوئی آنکھوں پہ ارمانِ جمال
Be basar par bhi ye un ke husn ne dala asar
Dil mein hai phooti hui aankhon pe armaan-e-jamal
عاشقوں نے رَزمگاہوں میں گلے کٹوا دئیے
واہ کس کس لطف سے کی عید قربانِ جمال
Aashiqon ne razmagahon mein gile kat'wa diye
Waah kis kis lutf se ki eid qurban-e-jamal
یاخدا دیکھوں بہارِ خندۂ دنداں نما
برسے کشت آرزو پر اَبر نیسانِ جمال
Ya khuda dekhoon bahar-e-khanda-e-dandan numa
Barse kusht arzoo par abr neesan-e-jamal
ظلمت مرقد سے اَندیشہ حسنؔ کو کچھ نہیں
ہے وہ مداحِ حسیناں منقبت خوانِ جمال
Zulmat marqad se andesha hasan ko kuch nahi
Hai wo maddah-e-hussainaan manqbat khwan-e-jamal
Share This Naat
Share with friends and family
بزمِ محشر منعقد کر میرِ سامانِ جمال
حسن رضا خان