بیاں ہو کس زباں سے مرتبہ صدیق اکبر کا
ہے یارِ غار محبوبِ خدا صدیق اکبر کا
Byan ho kis zban se martaba Siddiq-e-Akbar ka
Hai yar-e-Ghar mehboob-e-Khuda Siddiq-e-Akbar ka
الٰہی رحم فرما خادمِ صدیق اکبر ہوں
تری رحمت کے صدقے واسطہ صدیق اکبر کا
Ilahi rehm farma khadim-e-Siddiq-e-Akbar hoon
Teri rehmat ke sadqe wasta Siddiq-e-Akbar ka
رُسل اور انبیاء کے بعد جو افضل ہو عالم سے
یہ عالم میں ہے کس کا مرتبہ صدیق اکبر کا
Rusul aur anbiya ke baad jo afzal ho alam se
Yeh alam mein hai kis ka martaba Siddiq-e-Akbar ka
گدا صدیق اکبر کا خدا سے فضل پاتا ہے
خدا کے فضل سے میں ہوں گدا صدیق اکبر کا
Gada Siddiq-e-Akbar ka khuda se fazl pata hai
Khuda ke fazl se mein hoon gada Siddiq-e-Akbar ka
نبی کا اور خدا کا مدح گو صدیق اکبر ہے
نبی صدیق اکبر کا خدا صدیق اکبر کا
Nabi ka aur Khuda ka madh go Siddiq-e-Akbar hai
Nabi Siddiq-e-Akbar ka Khuda Siddiq-e-Akbar ka
ضیا میں مہرِ عالم تاب کا یوں نام کب ہوتا
نہ ہوتا نام اگر وجہِ ضیا صدیق اکبر کا
Zia mein mehr-e-alam taab ka yun naam kab hota
Na hota naam agar wajah-e-zia Siddiq-e-Akbar ka
ضعیفی میں یہ قوت ہے ضعیفوں کو قوی کر دیں
سہارا لیں ضعیف و اَقویا صدیق اکبر کا
Zaeefi mein yeh quwwat hai zaeefon ko qawi kar dein
Sahara lein zaeef o aqwiya Siddiq-e-Akbar ka
خدا اِکرام فرماتا ہے اَ تْقٰی کہہ کے قرآں میں
کریں پھر کیوں نہ اِکرام اَ تْقِیَا صدیق اکبر کا
Khuda ikram farmata hai atteqi keh ke Quran mein
Karein phir kyon na ikram atteqiya Siddiq-e-Akbar ka
صفا وہ کچھ ملی خاکِ سر کوئے پیمبر سے
مُصَفَّا آئینہ ہے نقشِ پا صدیق اکبر کا
Safa woh kuchh mili khak-e-sar koe paembar se
Musaffa aina hai naqsh-e-pa Siddiq-e-Akbar ka
ہوئے فاروق و عثمان و علی جب داخل بیعت
بنا فخرِ سلاسل سلسلہ صدیق اکبر کا
Hue Farooq o Usman o Ali jab dakhil bay'at
Bana fakhr-e-salasil silsila Siddiq-e-Akbar ka
مقامِ خوابِ راحت چین سے آرام کرنے کو
بنا پہلوئے محبوبِ خدا صدیق اکبر کا
Maqam-e-khwaab-e-rahat chain se araam karne ko
Bana pehlu-e-mehboob-e-Khuda Siddiq-e-Akbar ka
علی ہیں اس کے دشمن اور وہ دشمن علی کاہے
جو دشمن عقل کا دشمن ہوا صدیق اکبر کا
Ali hain is ke dushman aur woh dushman Ali kahai
Jo dushman aqal ka dushman hua Siddiq-e-Akbar ka
لٹایا راہِ حق میں گھر کئی بار اس محبت سے
کہ لٹ لٹ کر حسن ؔگھر بن گیا صدیق اکبر کا
Lataya raah-e-haq mein ghar kayi baar us muhabbat se
Ke lut lut kar Hasan ghar ban gaya Siddiq-e-Akbar ka
Share This Naat
Share with friends and family
بیاں ہو کس زباں سے مرتبہ صدیق اکبر کا
حسن رضا خان