بسی ہے جب سے وہ تصویرِ یار آنکھوں میں
سمٹ سی آئی ہے فصلِ بہار آنکھوں میں
Basi hai jab se woh tasveer-e-yar aankhon mein
Simat si aayi hai fasl-e-bahar aankhon mein
زمینِ طیبہ کی مٹی بنے مرا سرمہ
رہے ہمیشہ نبی کا دیار آنکھوں میں
Zameen-e-Tayyiba ki mitti bane mera surma
Rahe hamesha Nabi ka dayar aankhon mein
مری نگاہیں سر عرش جا کے ٹھہریں گی
ملوں جو نعلِ نبی ایک بار آنکھوں میں
Meri nigahen sar arsh ja ke thehreen gi
Milu jo naal-e-Nabi aik bar aankhon mein
میں بھر کے آیا ہوں آنکھوں میں گنبدِ خضریٰ
رہے گا حشر تلک وہ خمار آنکھوں میں
Main bhar ke aaya hoon aankhon mein gunbad-e-khazra
Rahe ga hashr talak woh khumar aankhon mein
وہ لا مکاں کے مسافر بنے شبِ اسریٰ
خدا کے جلوے سمائے ہزار آنکھوں میں
Woh la makan ke musafir bane shab-e-Asra
Khuda ke jalwe samaye hazar aankhon mein
اے حاجیو ذرا رکنا میں چوم لوں تم کو
تمھارے قدموں کا مل لوں غبار آنکھوں میں
Ae hajio zara rukna main choom lun tum ko
Tumhare qadmoun ka mil lun ghubar aankhon mein
ہے مِلک اس کی شمال و جنوب شرق و غرب
سجائے رکھتا ہے جو چار یار آنکھوں میں
Hai milk us ki shamal o janub sharq o gharb
Sajaye rakhta hai jo char yar aankhon mein
ترے قلم کو رضا کی رضا ملی نظمی
تبھی زباں میں اثر ہےنکھار آنکھوں میں
Tere qalam ko Raza ki raza mili Nazmi
Tabhi zubaan mein asar hainakhar aankhon mein
Share This Naat
Share with friends and family
بسی ہے جب سے وہ تصویرِ یار آنکھوں میں
سید آل رسول حسنین میاں برکاتی نظمی