Manqabat
بندھی حجاز میں ایسی ہَوائے عبدؒ اللہ
بندھی حجاز میں ایسی ہَوائے عبدؒ اللہ
خدا کا خاص کرم تھا برائے عبدؒ اللہ
Bandhi Hijaz mein aisi hawae Abdؒ Allah
Khuda ka khas karam tha baraye Abdؒ Allah
نگاہ و دل میں سمائی ضیائے عبدؒ اللہ
پسند آئی ہے سب کو، ادائے عبدؒ اللہ
Nigah o dil mein samayi ziyae Abdؒ Allah
Pasand aayi hai sab ko, adaaye Abdؒ Allah
ہُوئی عرب کے خواص عوام میں شہرت
بسے نظر میں ، تو دل میں سمائے ، عبدؒ اللہ
Hui Arab ke khawas awaam mein shohrat
Base nazar mein, to dil mein samaye, Abdؒ Allah
اِس ایک جلوے سے ہے دل کے آئینے کا بھرم
نگاہِ شوق میں ہے نقشِ پائے عبدؒ اللہ
Is ek jalwe se hai dil ke aaine ka bharam
Nigah e shauq mein hai naqsh e paaye Abdؒ Allah
یہی بہت ہے کہ والد ہیں وہ محمدؐ کے
بیان اور کروں کیا، ثنائے عبدؒ اللہ
Yahi bohot hai ke walid hain wo Muhammadؐ ke
Bayan aur karun kya, sanaye Abdؒ Allah
اُسے مِلی ہے نویدِ نجات کی سوغات
پڑی ہے کان میں جس کے ، صدائے عبدؒ اللہ
Use mili hai naveed e najat ki saughat
Padi hai kaan mein jis ke, sadaaye Abdؒ Allah
چمک رہا ہے محمدؐ کا نُور ماتھے پر
لقائے سرورِ دیں ہے لقائے عبدؒ اللہ
Chamak raha hai Muhammadؐ ka noor mathe par
Liqaye sarwar e deen hai liqaye Abdؒ Allah
ہے اُن کی ذات، دُعائے خلیلؑ کا مَظہر
نبیؐ کا نُور ہے عظمت فزائے عبدؒاللہ
Hai un ki zaat, duaye Khalilؑ ka mazhhar
Nabiؐ ka noor hai azmat fazaye Abdؒ Allah
نصیؔر !میرے لیے ہے نجات کا باعث
ثنائے احمدِ مُرسَل ، وِلائے عبدؒ اللہ
Nasir! mere liye hai najat ka bais
Sanaye Ahmed e Mursal, wilaaye Abdؒ Allah
Share This Naat
Share with friends and family
بندھی حجاز میں ایسی ہَوائے عبدؒ اللہ
سید نصیرالدیں نصیر