بندہ میں عاجز گنہ گار تیرا کریں اپنے فضل دا دان سائیاں
تیرے کرم دا کوئی نہیں حد بناں تو کریم رحیم رحمان سائیاں
banda mein aajiz gunah gaar tera karein apne fazl da daan saiyan
tere karam da koi nahi had banan tu karim rahim rehman saiyan
تیرا در چھڈے کے کیڑے در جاواں ٹھیڈے مار دا سارا جہان سائیاں
جے بخش دیویں تیری مہربانی تیرا لکھ کروڑ احسان سائیاں
tera dar chhad ke keeddre dar jaawan theedre maar da sara jahan saiyan
je baksh dewein teri mehrbani tera lakh karor ehsan saiyan
میں جو وی ہاں تینوں پتہ سارا کوئی نہیں تیرے توں لک لکان سائیاں
صدقہ اپنے حبیب دا پھیر وی توں گھڑی نزع دی کریں آسان سائیاں
mein jo vi han tainu pata sara koi nahi tere ton lak lukan saiyan
sadqa apne habib da pher vi tu gudi naz' de karein aasaan saiyan
رحمت جدوں اوندی تیری جوش اندر چشمے رحمت دے ہون روان سائیاں
جھولی اڈ کے تیرے دربار وچوں بھیک منگدے سخی سلطان سائیاں
rehmat jadon ondi teri josh andar chashme rehmat de hon rawan saiyan
jholi ud ke tere darbar wichon bheek mangde sakhi sultan saiyan
اوہدی بیڑی طوفانوں وچہ ڈبدی نہیں جہدا توں ہوویں نگہبان سائیاں
پردے اودوں نیازی دے کج لیناں لگے حشر دا جدوں میدان سائیاں
ohdi beeri toofan wich dabdi nahi jedha tu hovain nigehbaan saiyan
parday odon nIaazi de kuj lenaan lage hashr da jadon maidan saiyan
Share This Naat
Share with friends and family
بندہ میں عاجز گنہ گار تیرا کریں اپنے فضل دا دان سائیاں
عبدالستار نیازی