بن جائے یہ ہماری علامت خدا کرے
ہر بات ہو حضور کی مدحت خدا کرے
Ban jaye ye hamari alamat Khuda kare
Har baat ho Huzoor ki mad’ah Khuda kare
مل جائے نعتِ پاک کی اُجرت خدا کرے
ہو خواب میں نبی کی زیارت خدا کرے
Mil jaye naat-e-paak ki ujrat Khuda kare
Ho khwab mein Nabi ki ziarat Khuda kare
محشر میں شعلہ بار ہو جب آفتابِ حشر
سر پر تنی ہو چادرِ رحمت خدا کرے
Mahshar mein shola bar ho jab aaf’tab-e-hashr
Sar par tani ho chadar-e-rehmat Khuda kare
میں بھی دیارِ احمدِ مختار دیکھ لوں
آنکھیں مری ہوں صاحبِ عظمت خدا کرے
Mein bhi diyar-e-Ahmad-e-Mukhtar dekh loon
Aankhen meri hon sahib-e-azmat Khuda kare
نعتیں پڑھوں میں گنبدِ خضرا کے سامنے
حاصل مجھے ہو ایسی سعادت خدا کرے
Naatein parhoon mein gumbad-e-khazra ke samne
Hasil mujhe ho aisi sa'adat Khuda kare
اے کاش اپنی عظمتِ رفتہ پلٹ کے آئے
ہر دل پہ ہو ہماری حکومت خدا کرے
Ae kaash apni azmat-e-rafta palat ke aaye
Har dil pe ho hamari hukoomat Khuda kare
کیا پوچھنا شفیقؔ پھر اُس کے مقام کا
جس ذاتِ باصفات کی مدحت خدا کرے
Kya poochhna Shafiq phir us ke maqam ka
Jis zat-e-ba-sifaat ki mad’ah Khuda kare
Share This Naat
Share with friends and family
بن جائے یہ ہماری علامت خدا کرے
شفیق ؔ رائے پوری