باغِ جنت میں نرالی چمن آرائی ہے
کیا مدینہ پہ فدا ہو کہ بہار آئی ہے
Bagh-e-jannat meiN narali chaman aaraai hai
Kya Madina pe fida ho ke bahar aai hai
اُن کے گیسو نہیں رحمت کی گھٹا چھائی ہے
اُن کے اَبرو نہیں دو قبلوں کی یکجائی ہے
Un ke gesu nahiN rehmat ki ghaTa chhai hai
Un ke abru nahiN do qibloN ki yakjai hai
سنگریزوں نے حیاتِ اَبدی پائی ہے
ناخنوں میں ترے اِعجازِ مسیحائی ہے
Sangrezon ne hayat-e-abadi pai hai
NaakhunoN meiN tere ijaaz-e-masihai hai
سرِ بالیں انہیں رحمت کی اَدا لائی ہے
حال بگڑا ہے تو بیمار کی بن آئی ہے
Sar-e-balin unhein rehmat ki ada laai hai
Haal bigra hai to bimaar ki ban aai hai
جان گفتار تو رَفتار ہوئی رُوحِ رَواں
دَم قدم سے ترے اعجازِ مسیحائی ہے
Jaan guftaar to raftaar hui rooh-e-ravaaN
Dam qadam se tere ijaaz-e-masihai hai
جس کے ہاتھوں کے بنائے ہوئے ہیں حسن و جمال
اے حسیں تیری اَدا اس کو پسند آئی ہے
Jis ke haathoN ke banaye hue haiN husn o jamaal
Ae haseen teri ada us ko pasand aai hai
تیرے جلوؤں میں یہ عالم ہے کہ چشم عالم
تابِ دِیدار نہیں پھر بھی تماشائی ہے
Tere jalwoN meiN ye aalam hai ke chashm-e-aalam
Taab-e-deedaar nahiN phir bhi tamashaai hai
جب تری یاد میں دنیا سے گیا ہے کوئی
جان لینے کو دلہن بن کے قضا آئی ہے
Jab teri yaad meiN dunyaa se gaya hai koi
Jaan lene ko dulhan ban ke qaza aai hai
سر سے پا تک تری صورت پہ تصدق ہے جمال
اس کو موزونیٔ اَعضا یہ پسند آئی ہے
Sar se pa tak teri soorat pe tasadduq hai jamaal
Us ko mozuniy-e-a'za ye pasand aai hai
تیرے قدموں کا تبرک یدِ بیضائے کلیم
تیرے ہاتھوں کا دِیا فضل مسیحائی ہے
Tere qadmoN ka tabarruk yad-e-bezaa-e-Kaleem
Tere haathoN ka diya fazl-e-masihai hai
دَردِ دِل کس کو سناؤں میں تمہارے ہوتے
بیکسوں کی اِسی سرکار میں سنوائی ہے
Dard-e-dil kis ko sunaaooN meiN tumhare hote
BakosoN ki isi sarkar meiN sunwaai hai
آپ آئے تو منور ہوئیں اَندھی آنکھیں
آپ کی خاکِ قدم سرمۂ بینائی ہے
Aap aaye to munawwar hueN andhi aaNkheiN
Aap ki khaak-e-qadam surma-e-beenaai hai
ناتوانی کا اَلم ہم ضعفا کو کیا ہو
ہاتھ پکڑے ہوئے مولا کی توانائی ہے
Naatawaani ka alam hum zu'afa ko kya ho
Haath pakre hue maula ki tawaanai hai
جان دی تو نے مسیحا و مسیحائی کو
تو ہی تو جانِ مسیحا و مسیحائی ہے
Jaan di to ne masihaa o masihai ko
To hi to jaan-e-masihaa o masihai hai
چشم بے خواب کے صدقے میں ہیں بیدار نصیب
آپ جاگے تو ہمیں چین کی نیند آئی ہے
Chashm-e-bekhwaab ke sadqe meiN haiN bedaar naseeb
Aap jaage to humeiN chain ki neend aai hai
باغِ فردَوس کھلا فرش بچھا عرش سجا
اِک تِرے دَم کی یہ سب اَنجمن آرائی ہے
Bagh-e-Firdous khula farsh bichha arsh saja
Ek tere dam ki ye sab anjuman aarai hai
کھیت سر سبز ہوئے پھول کھلے میل دُھلے
اَور پھر فضل کی گھنگور گھٹا چھائی ہے
Khet sar sabz hue phool khile mail dhule
Aur phir fazl ki ghanghor ghaTa chhai hai
ہاتھ پھیلائے ہوئے دَوڑ پڑے ہیں منگتا
میرے داتا کی سواری سر حشر آئی ہے
Haath pehlae hue dour pade haiN mangta
Mere daata ki savaari sar hashr aai hai
ناامیدو تمہیں مژدہ کہ خدا کی رحمت
انہیں محشر میں تمہارے ہی لئے لائی ہے
Naaumeedu tumheiN mujda ke Khuda ki rehmat
Inhein mahshar meiN tumhare hi liye laai hai
فرش سے عرش تک اِک دُھوم ہے اللہ اللہ
اور ابھی سینکڑوں پردوں میں وہ زیبائی ہے
Farsh se arsh tak ik dhoom hai Allah Allah
Aur abhi seiNkroN pardoN meiN wo zebai hai
اے حسنؔ ُحسنِ جہاں تاب کے صدقے جاؤں
ذَرّے ذَرّے سے عیاں جلوۂ زیبائی ہے
Ae Hassan husan-e-jahaan taab ke sadqe jaaooN
Zarre zarre se aiyaaN jalwa-e-zebai hai
Share This Naat
Share with friends and family
باغِ جنت میں نرالی چمن آرائی ہے
حسن رضا خان