عظمتِ شاہِ دیں دیکھتے رہ گئے
نورِ ماہِ مبیں دیکھتے رہ گئے
Azmat-e-Shah-e-deen dekhte reh gaye
Noor-e-maah-e-mubin dekhte reh gaye
وردِ صلِّ علیٰ ہم تو کرتے ہوئے
سبزِ گنبد حسیں دیکھتے رہ گئے
Wird-e-salli ala hum to karte huye
Sabz-e-gumbad haseen dekhte reh gaye
لا مکاں سے بھی آگے گئے مصطفیٰ
ان کو روح الامیں دیکھتے رہ گئے
La makan se bhi aage gaye Mustafa
In ko Rooh-ul-Ameen dekhte reh gaye
فتحِ مکہ کے دن ان کے رحم و کرم
سارے اعدائے دیں دیکھتے رہ گئے
Fath-e-Makkah ke din un ke rehm o karam
Saray a'da-e-deen dekhte reh gaye
حسنِ سرکار جب کہ ہوا آشکار
سارے زہرہ جبیں دیکھتے رہ گئے
Husn-e-Sarkar jab ke hua aashkar
Saray Zahra jabeen dekhte reh gaye
چہرۂ ”والضحیٰ“ چشمِ ” مازاغ “ کو
چاند تارے سبھی دیکھتے رہ گئے
Chehra-e- "Walduha" chashm-e-"Mazagh" ko
Chaand tare sabhi dekhte reh gaye
چشمِ حیرت سے طیبہ کے گلزار کو
مڑ کے خلدِ بریں دیکھتے رہ گئے
Chashm-e-hairat se Taiba ke gulzar ko
r mud ke khuld-e-bareen dekhte reh gaye
ماہ و انجم چھپاتے ہوئے اپنا رخ
”ان کا روئے حسیں دیکھتے رہ گئے“
Maah o anjum chupate huye apna rukh
"Un ka roye haseen dekhte reh gaye"
جب سرِ عرش احمدؔ گئے مصطفیٰ
ان کو روح الامیں دیکھتے رہ گئے
Jab sar-e-Arsh Ahmad gaye Mustafa
In ko Rooh-ul-Ameen dekhte reh gaye
Share This Naat
Share with friends and family
عظمتِ شاہِ دیں دیکھتے رہ گئے
مولانا طفیل احمد مصباحی