ازل سے محوِ تماشائے یار ہم بھی ہیں
جمالِ شاہِؐ اُمم پر نثار ہم بھی ہیں
Azal se ma'ho tamashaye yaar hum bhi hain
Jamal-e-Shah-e-umm pe nisaar hum bhi hain
ضیائے شاہِؐ عرب سے ہے اپنا دل روشن
چراغِ طُور کے آئینہ دار ہم بھی ہیں
Ziya-e-Shah-e-Arab se hai apna dil roshan
Chiragh-e-Toor ke aai'na daar hum bhi hain
زمانہ طالبِ خیراتِ لطف ہے اُن سے
پکار اے دلِ مضطر پکار! ہم بھی ہیں
Zamana taalib-e-khairat-e-lutf hai un se
Pukar ae dil-e-muztar pukar! hum bhi hain
بحق چادرِ زہراؓ اِدھر بھی ایک نظر
غبارِ راہ میں اے شہسوار! ہم بھی ہیں
Bi-Haq chadar-e-Zahra idhar bhi aik nazar
Ghubar-e-raah mein ae shahsawar! hum bhi hain
ہمارا دھیان بھی طیبہ کے قافلے والو!
رواں دواں پسِ گرد و غبار ہم بھی ہیں
Humara dhayan bhi Taiba ke qafile walon!
Rawa doon pas-e-ghubaar o ghubaar hum bhi hain
نظر جو اُن کی ہوئی ہم خزاں نصیبوں پر
تو پھر کہیں گے کہ رشکِ بہار ہم بھی ہیں
Nazar jo un ki hui hum khazan naseebon par
Toh phir kahen ge keh rashk-e-bahar hum bhi hain
اِس ایک بات پہ ہے فخر ہم غریبوں کو
کہ اُن کے اُمتّیوں میں شمار ہم بھی ہیں
Is aik baat pe hai fakhr hum ghareebon ko
Ke un ke ummatiyon mein shumar hum bhi hain
یہ اُس کریم کا دَر ہے کہ تاجدار، جہاں
پکارتے ہیں کہ اُمّیدوار ہم بھی ہیں
Ye us kareem ka dar hai ke tajdaar, jahan
Pukarte hain ke ummedwaar hum bhi hain
ہمیں بھی آپ سے اُمّید ہے شفاعت کی
اُٹھائے سر پہ گناہوں کا بار ہم بھی ہیں
Hamen bhi aap se ummed hai shafa'at ki
Uthaye sir pe gunaahon ka baar hum bhi hain
صبا سے کہہ دو کہ جالی کو چومنے کے لیے
بس ایک تُو ہی نہیں بیقرار ، ہم بھی ہیں
Saba se keh do ke jaali ko choomne ke liye
Bas aik tu hi nahi beqaraar, hum bhi hain
جو پُل صراط پہ ہم پر بھی پڑ گئی وہ نظر
تو پھر نصیرؔ سمجھ لو کہ پار ہم بھی ہیں
Jo pul siraat pe hum par bhi par gayi wo nazar
Toh phir Naseer samajh lo ke paar hum bhi hain
Share This Naat
Share with friends and family
ازل سے محوِ تماشائے یار ہم بھی ہیں
سید نصیرالدیں نصیر