اے محسنِ انساں تری سیرت کے میں صدقے
انوار سے جس کے ہوئے کردار منور
Ae mohsin-e-insaan teri seerat ke mein sadqay
Anwaar se jis ke huay kirdar munawwar
اوصاف و کمالات میں دیکھا ہی نہیں ہے
تخلیقِ دو عالم میں کوئی آپ کا ہمسر
Awsaf-o-kamaalaat mein dekha hi nahin hai
Takhleeq-e-do aalam mein koi aap ka humsar
رب نے بھی تجھے بھیج کے احسان جتایا
آمد سے تری حور و ملک جھوم رہے ہیں
Rab ne bhi tujhe bhej ke ehsaan jataaya
Aamad se teri hoor o malak jhoom rahe hain
دنیائے زمیں پر ہے بپا جشنِ بہاراں
عشاق تصور میں قدم چوم رہے ہیں
Dunya-e-zameen par hai bapa jashn-e-bahaaran
Aashiq tasawwur mein qadam choom rahe hain
ہر حسن ترے حسن کے انوار کا پرتو
ہر آنکھ تمنائیء دیدار ہے تیری
Har husn tere husn ke anwaar ka partav
Har aankh temnaye-e-deedaar hai teri
ہر درد مٹا دیتاہے اِک تیرا تصور
سائل پہ عطا آج بھی غمخوار ہے تیری
Har dard mita deti hai ek tera tasawwur
Saael pe ata aaj bhi ghamkhaar hai teri
ممکن ہی نہیں عقل میں آجائیں کسی کے
محبوبِ خدا تیری سخاوت کے سمندر
Mumkin hi nahi aqal mein aajaein kisi ke
Mahboob-e-Khuda teri sakhawat ke samundar
باندھے ہیں ترے فقر نے جب پیٹ پہ پتھر
انگشت بدنداں ہے جہاں مالکِ کوثر
Baandhe hain tere faqr ne jab payt pe pathar
Angusht badan-daan hai jahan malik-e-kosar
وہ عزم کہ حیراں ہیں ملائک مرے آقاؐ
وہ رُعب کہ ہے آج بھی کفار پہ طاری
Wo azm ke hairaan hain malaaik mere aaqa
Wo raub ke hai aaj bhi kuffar pe taari
جرأت سے سدا مدِ مقابل ہوئے لرزاں
ہر شورشِ دنیا پہ عَلم آپ کا بھاری
Jurrat se sada mad-e-muqabil hue larzaan
Har shorish-e-duniya pe alam aap ka bhaari
اُس حِلمِ مبارک کی یہ تاثیر بھی دیکھی
مغرور سبھی آپ کے قدموں میں پڑے ہیں
Us hilm-e-mubarak ki yeh taseer bhi dekhi
Maghroor sabhi aap ke qadmoun mein pare hain
دل جیت لیے آپ کے اخلاق نے ایسے
جو دشمنِ جاں تھے وہ غلاموں میں کھڑے ہیں
Dil jeet liye aap ke ikhlaaq ne aise
Jo dushman-e-jaaan the wo ghulamon mein khadey hain
اہداف ترے عقلِ بشر میں نہ سمائیں
افکار ترے دانش و حکمت کا ہیں جھومر
Ahdaaf tere aqal-e-bashar mein na samaayein
Afkaar tere daanish o hikmat ka hain jhumar
اعمال کا مقصود فقط رب کی رضا ہے
کردار کی خوشبو سے ہر اِک عہد معطر
Aamaal ka maqsad faqat Rab ki raza hai
Kirdar ki khushboo se har ek ehad mutar
الفاظ ترے فہم و فراست کے ہیں گلشن
اندازِ تکلم پہ ہیں قربان بہاریں
Alfaz tere fahem o faraset ke hain gulshan
Andaaz-e-takal-lum pe hain qurbaan bahaarain
عالم بھی مفسر بھی محقق بھی بصد ناز
ادراک زمانے کا ترے نطق پہ واریں
Aalam bhi mufassir bhi muhaqqiq bhi b-sada naaz
Idraak zamaane ka tere nutq pe waarain
اغیار بھی ہیں عدل کے معیار پہ واری
آئینِ مساوات پہ محکوم فدا ہیں
Aghyaar bhi hain adal ke meyaar pe waari
Aaeen-e-masaawat pe mahkoom fida hain
عالم میں یہ ممکن تھا کہاں آپ سے پہلے
شاہوں کے برابر جو کھڑے ان کے گدا ہیں
Aalam mein yeh mumkin tha kahaan aap se pehle
Shaahon ke barabar jo kharhe un ke gada hain
اخلاص و مروّت کا تو عالم ہی نہ پوچھو
طائف کے مظالم میں بھی رحمت کی اذاں ہے
ikhlaas o marawat ka to aalam hi na poochho
Taaif ke mazalim mein bhi rehmat ki azaan hai
خود فقر کا خوگر ہے مگر قاسمِ نعمت
گرچہ ہے تہی دست مگر ظِلِ جہاں ہے
Khud faqr ka hoogar hai magar qaasim-e-neamat
Garcha hai tehi dast magar zil-e-jahaan hai
جب فاتحِ مکہ بنا وہ فاتحِ عالم
ظالم تھے بڑے خوف میں آج اپنے کیے پر
Jab faateh-e-Makka bana wo faateh-e-aalam
Zalim the bare khauf mein aaj apne kiye par
پھر خُلق نے گھیرے میں لیا اہلِ جفا کو
پھر جود و کرم نے ترے کافور کیے ڈر
Phir khulq ne ghere mein liya ahl-e-jafa ko
Phir jood o karim ne tere kaafur kiye dar
بے حدو حساب آپ کی عظمت کا سفر ہے
بے سمت مسافت مری کونین کے والی
Be had o hisaab aap ki azmat ka safar hai
Be simt masaafat meri konain ke waali
بے انت عطائیں ہیں فقط آپ کو زیبا
بے باک شکیلؔ آپ سے بخشش کا سوالی
Be inteh ataain hain faqat aap ko zeeba
Be baak Shakeel aap se bakhshish ka saali
Share This Naat
Share with friends and family
اے محسنِ انساں تری سیرت کے میں صدقے
محمد شکیل نقشبندی