اے جانِ ردائف ! دلِ انواعِ قوافی !
تاسیسِ بلاغت ہے ترا گفتۂِ صافی
Ae jaan-e-rdaif! dil-e-anwaa-e-qawaafi!
Tasees-e-balaaghat hai tera gufta-e-saafi
جب تیرا غضب رب کا غضب ہے ،تو یقیناً
ہے عفوِ خداوند شہا ! تیری معافی
Jab tera ghazab Rab ka ghazab hai, to yaqeenan
Hai afw-e-Khudawand sheha! teri maafi
تقلید تری مُثبِتِ معراجِ بشر ہے
تعلیم تری خوئے بہیمانہ کی نافی
Taqleed teri musbit-e-me'raaj-e-bashar hai
Taleem teri kho'ye behemana ki naafi
کیا اوجِ تفقہ ترے بندوں کا ہے شاہا!
شامی ہے کوئی ، کوئی رضا کوئی قَرافی
Kya ooj-e-tafaqquh tere bandon ka hai shaha!
Shaami hai koi, koi Raza koi Qaraafi
ہر عیب سے روکا ہے تری شرعِ حسیں نے
میسِر ہو ، نجاست ہو ، کہ ہو ماہیِٔ طافی
Har aib se roka hai teri shara-e-haseen ne
Maysar ho, najaasat ho, ke ho maahi-e-taafi
ہر خصلتِ بد تیرے محاسن نے مٹائی
دھوکہ ہو ، فحاشی ہو ، کہ ہو وعدہ خلافی
Har khooslat-e-bad tere mahaasin ne mitayi
Dhoka ho, fahashi ho, ke ho waada khilaafi
اعجازِ لبِ شہ تو ہے اعجازِ لبِ شاہ
اَموات کے اِحیا کو ہے ٹھوکر یہاں کافی
Aijaaz-e-lab-e-sheh to hai aijaaz-e-lab-e-shah
Amwaat ke ihyaa ko hai thokar yahan kaafi
ایمان معظم کا نہ چِھن جائے کریما !
تحفے سے رجوع آپ کی شاں کے ہے منافی
Imaan moaziz ka na chin jaye karima!
Tohfay se rujoo aap ki shaan ke hai maanafi
وابستۂِ اِفتا ہوں میں ویسے تو معظم
اور شعر نگاری ہے مِرا وصفِ اضافی
Wabasta-e-ifta hoon main waise to moaziz
Aur she'r nigari hai mera wasf-e-izaafi
Share This Naat
Share with friends and family
اے جانِ ردائف ! دلِ انواعِ قوافی !
معظم سدا معظم مدنی