آیا لبوں پہ ذِکر جو خیر الانام کا
غوغَا ہوا بلند دُرود و سلام کا
Aaya labon pe zikr jo Khair al-Anam ka
GhoGha huwa buland durood o salam ka
مُجھ پر نِثار ہونے لگیں مستیاں تمام
میں کر رہا تھا وِرد محمدؐ کے نام کا
Mujh par nisaar honay lagin mastiyan tamam
Main kar raha tha wird Muhammadؐ ke naam ka
جلوؤں کی بھیک دے مجھے اے جانِ مدعا
شہرہ ہے دو جہاں میں ترے فیضِ عام کا
Jalwaon ki bheek de mujhe ae jaan-e-mudda
Shehra hai do jahan mein tere faiz-e-aam ka
سب لیکے آرہے ہیں مُرادیں ، مَیں اپنا دِل
کرلیجئے قبول یہ تحفہ غُلام کا
Sab leke aarahe hain muradain, main apna dil
Karlejiye qubool ye tohfa ghulaam ka
اسریٰ کی شب اُڑا جو غبارِ رہِ حضورؐ
غازہ بنا فلک پہ وہ ماہِ تمام کا
Isra ki shab uda jo ghubar-e-rah-e-Huzoorؐ
Ghaaza bana falak pe wo maah-e-tamam ka
کشتی ہماری بحرِ حوادث میں جب پھنسی
دیکھا کمال ہم نے محمدؐ کے نام کا
Kashti hamari Bahr-e-Hawadis mein jab phansi
Dekha kamaal hum ne Muhammadؐ ke naam ka
شاہوں کی جِس کے سامنے پھیلی ہیں جھولیاں
میں ہوں فقیراس شہِ عالی مَقام کا
Shahon ki jis ke samne phaili hain jholiyan
Main hoon faqeer us shah-e-aali maqam ka
رشکِ ارم ہے دِل غمِ عِشقِ حبیبؐ سے
خالِدؔ ہے جب سے وِرد محمدؐ کے نام کا
Rashk-e-Iram hai dil gham-e-ishq-e-Habibؐ se
Khalidؔ hai jab se wird Muhammadؐ ke naam ka
Share This Naat
Share with friends and family
آیا لبوں پہ ذِکر جو خیر الانام کا
خالد محمود خالد