اوّل آخر ظاہر باطن میرا رب تعالیٰ
کُل ثناواں سب تعریفاں ساریاں حمداں والا
Awwal aakhir zahir batin mera Rab ta'ala
Kul sanaawan sab tareefaan saariyaan hamdaan wala.
اُس دی شان بلند حسابوں وچ حساب دے ناں آوے
سب دا مالک سب دار رازق سب نوں رزق پچاوے
Us di shaan buland hisaabon wich hisaab de naan aave
Sab da malik sab da raaziq sab nuu rizq pachave.
اوہدے رحم کرم دا ہر دم دو عالم تے سایا
پاک محمد ورگا سوہنا جس پیدا فرمایا
Ohde rehmat karam da har dam do aalam te saya
Paak Muhammad varga sohnaa jis paida farmaaya.
اک اکلا میرا اللہ ہور ناں اللہ کوئی
اوہدا نام لیا تے میری ہر مشکل حل ہوئی
Ik akla mera Allah hor naan Allah koii
Ohda naam liya te meri har mushkil hal hui.
ذکر اوہدا آرام دلاں دا تقدیراں نوں جوڑے
بھاویں کیڈ گناہی ہووے اوہ ناں خالی موڑے
Zikr ohda araam dilaan da taqdeeraan nu jore
Bhaaven kedi gunahi hove oh naan khaali modde.
تاہیوں اوہدے در تے دیندی سب خلقت آوازه
رب میرے دا کُھلا صائم سدا رہوے دروازہ
Taaieyo ohde dar te deendi sab khalqat aawaaza
Rab mere da khulla Sa'im sada rahe darwaaza.
Share This Naat
Share with friends and family
اوّل آخر ظاہر باطن میرا رب تعالیٰ
علامہ صائم چشتی