اشکوں کی چادر چہرے پر آنکھوں میں گنبد عالی ہے
خوابوں کا نگر آباد رہے خوابوں میں سنہری جالی ہے
Ashqo ki chadar chehray par aankhon mein gunbad aali hai
Khwaabon ka nagar aabaad rahe khwaabon mein sunehri jaali hai
رحمت کے رنگ انوکھے ہیں بخشش کی شان نرالی ہے
اُس در کی عطائیں کیا کہنا جس در پر وقت سوالی ہے
Rehmat ke rang anokhay hain bakhshish ki shaan nirali hai
Us dar ki ataaen kya kehna jis dar par waqt sawali hai
محشر کے جلتے لمحوں کا خوف اور مسلماں ہو کے ہمیں
اشکوں سے نبی نے اُمت کی ہر فرد عمل دھوڈالی ہے
Mahshar ke jalte lamhon ka khauf aur musalman ho ke humein
Ashqo se Nabi ne umat ki har fard amal dhodalihai
صحرا کوئی راہ میں آ نہ سکا کوئی آندھی چھو کر جا نہ سکی
اس نام کی برکت سے زندہ آوازِ اذانِ بلالی ہے
Sehra koi raah mein aa na saka koi aandhi choo kar ja na saki
Is naam ki barkat se zinda awaaz-e-azaan-e-bilaali hai
اس ابرِ کرم کا طالب ہوں جو گلشن جاں سیراب کر ے
میں ایک شجر ہوں ایسا شہا جو برگ و ثمر سے خالی ہے
Is abr-e-karam ka taalib hoon jo gulshan jaan seraab karay
Main aik shajar hoon aisa sha ha jo barg o samar se khaali hai
ہے جسم و جاں کا ہر گوشہ روشن روشن مہکا مہکا
لگتا ہے کہ قرطاسِ دل پر کوئی نعت اُترنے والی ہے
Hai jism o jaan ka har gosha roshan roshan mehka mehka
Lagta hai ke qartaas-e-dil par koi naat utarne waali hai
بے پوچھے فرشتے لوٹیں گے یہ کہہ کہ لحد سے میری صبیحؔ
یہ جسم مدینے والا ہے یہ روح مدینے والی ہے
Be poochay farishtay lautain ge yeh keh keh lahd se meri Sabih
Yeh jism madinay wala hai yeh rooh madinay waali hai
Share This Naat
Share with friends and family
اشکوں کی چادر چہرے پر
سید صبیح الدین صبیح رحمانی