Manqabat
اپنے رب توں جس صاحب نوں پیغمبر ؐ نے منگیا
اپنے رب توں جس صاحب نوں پیغمبر ؐ نے منگیا
اوہ فاروق عمر جس نے کیتا سر اسلا م دا اُچّا
Apne Rab ton jis Sahib nu Peghambar ﷺ ne mangya
Oh Farooq Umar jis ne kita sar Islam da uchha
بیت المقدس توں کابل تک جس نے جھنڈے گڈے
اوہدے تن تے دیکھیا جگ نے ٹاکیاں والا کُڑتا
Baitul Maqdas ton Kabul tak jis ne jhande gadde
Ohde tan te dekhya jag ne takiyan wala kurta
آقاؐ پھڑے مہارتے خادم ناقے اُتّے ہووے
ویلے دی کھلی ہوئی اکھ نے ایہہ منظر وی ڈٹّھا
Aaqa ﷺ phade mahaarte khadim naqe utte hove
Wele di khuli hui akh ne eh manzar vi ditha
مسکیناں دے دَرد وَنڈائے ، بھکھے لوک رجھائے
ہر دُکھ اپنی جان تے جر کے دان خوشی دا کیتا
Maskeena de dard wandae, bhukhe lok rajae
Har dukh apni jaan te jar ke dan khushi da kita
حُکم خُدا دا ہر حالت وچ رکھیا سر متھے تے
عشق رسُول اللہ دا اوہدے لُوں لُو ں دے وچِ رچیا
Hukum Khuda da har halat vich rakhya sar mathe te
Ishq Rasool Allah da ohde lun lun de vich racheya
اوہ فاروق عمر جس بارے آکھیا پاک نبیؐ نے
ہوندا عمر جے میرے پچھوں ہور نبی کوئی ہوندا
Oh Farooq Umar jis bare aakhya Pak Nabi ﷺ ne
Honda Umar je mere pichon hor Nabi koi honda
سجّن دشمن نِکے وڈے نال اکو ورتا را
بھُل نہیں سکدا دُنیا تائیں عدل انصاف عمرؓ دا
Sajjan dushman nikke vadde naal iko varta ra
Bhul nahi sakda duniya taain adl insaf Umarؓ da
معزولی توں پچھوں آکھیا خالد سیف اللہ نے
ایس جَنے دے ہوندیاں کوئی فتنہ نہیں اُٹھ سکدا
Mazooli ton pichhon aakhya Khalid Saif Allah ne
Es jane de hondiyan koi fitna nahi uth sakda
Share This Naat
Share with friends and family
اپنے رب توں جس صاحب نوں پیغمبر ؐ نے منگیا
حفیظ تائب