اماوسوں کے نشاں مٹاتی ہے نعت اُن کی
جو دل کے آنگن میں جگمگاتی ہے نعت اُن کی
Amawason ke nishan mitati hai naat un ki
Jo dil ke aangan mein jagmagati hai naat un ki
وہ جن کے صدقے ملی ہے توفیقِ نعت گوئی
اُنہی کے در سے تو ہو کے آتی ہے نعت اُن کی
Wo jin ke sadqe mili hai tawfiqe-e-naat goi
Unhi ke dar se to ho ke aati hai naat un ki
غموں نے گھیرا جہاں کہیں پر بھی غم زدوں کو
اُنہیں ہمیشہ چُھڑانے آتی ہے نعت اُن کی
Ghamon ne ghera jahan kahin par bhi gham zadon ko
Unhein hamesha chhurane aati hai naat un ki
زمانے بھر کے دُکھوں کے مارے دلِ حزیں میں
مسرّتوں کے دیے جلاتی ہے نعت اُن کی
Zamane bhar ke dukhon ke mare dil-e-hazin mein
Mussaraton ke diye jalati hai naat un ki
یہ ذوقِ مدحت ملے تو کُھلتا ہے راز لوگو !
محبتوں کو جُنوں بناتی ہے نعت اُن کی
Ye zauq-e-madhat mile toh khulta hai raaz logo!
Mohabbaton ko junoon banati hai naat un ki
یہی دلاتی ہے کامرانی قدم قدم پر
کہ زندگانی کے گر سکھاتی ہے نعت ان کی
Yehi dilati hai kamrani qadam qadam par
Ke zindagani ke gir sikhati hai naat un ki
عداوتوں کی بُجھا کے آتش ، جلیل دل میں
محبتوں کا پیام لاتی ہے نعت اُن کی
Adawatoun ki bujha ke aatish, Jaleel dil mein
Mohabbaton ka payam lati hai naat un ki
Share This Naat
Share with friends and family
اماوسوں کے نشاں مٹاتی ہے نعت اُن کی
حافظ عبدالجلیل