عمل کا ہو جذبہ عطا یاالٰہی
گُناہوں سے مجھ کو بچا یاالٰہی
Amal ka ho jazba ata ya Allah
Gunahon se mujh ko bacha ya Allah
میں پانچوں نَمازیں پڑھوں باجماعت
ہو توفیق ایسی عطا یاالٰہی
Main panchoon namazen parhoon bajamaat
Ho tawfeeq aisi ata ya Allah
میں پڑھتا رہوں سنتیں ، وقْت ہی پر
ہوں سارے نوافِل ادا یاالٰہی
Main parhta rahoon sunnatein, waqt hi par
Hon saare nawafil ada ya Allah
دے شوقِ تلاوت دے ذَوقِ عبادت
رہوں بَاوُضو میں سدا یاالٰہی
De shauq-e-tilawat de zauq-e-ibadat
Rahon ba wuzu mein sada ya Allah
ہمیشہ نگاہوں کو اپنی جھکا کر
کروں خاشِعانہ دُعا یاالٰہی
Hamesha nigahon ko apni jhuka kar
Karon khashiana dua ya Allah
نہ ’’نیکی کی دعوت‘‘ میں سستی ہو مُجھ سے
بنا شائقِ قافِلہ یا الٰہی
Na "neki ki dawat" mein susti ho mujh se
Bana shaiq-e-qafila ya Allah
سعادت ملے درسِ ’’فیضانِ سُنّت‘‘
کی روزانہ دو مرتبہ یاالٰہی
Saadat mile dars-e-"Faizan-e-Sunnat"
Ki rozana do martaba ya Allah
میں مِٹّی کے سادہ سے برتن میں کھاؤں
چٹائی کا ہو بِسْتَرا یاالٰہی
Main mitti ke saada se bartan mein khao
Chataai ka ho bistara ya Allah
ہے عالِم کی خدمت یقینا سعادت
ہو توفیق اِس کی عطا یاالٰہی
Hai aalim ki khidmat yaqeenan sa'adat
Ho tawfeeq is ki ata ya Allah
’’صدائے مدینہ‘‘ دوں روزانہ صدقہ
ابوبکر و فاروق کا یاالٰہی
"Sada-e-Madina" doon rozana sadqa
Abu Bakr o Farooq ka ya Allah
میں نیچی نگاہیں رکھوں کاش اکثر
عطا کر دے شرم و حیا یاالٰہی
Main neechi nigahen rakhoon kaash aksar
Ata kar de sharam o haya ya Allah
ہمیشہ کروں کاش پردے میں پردہ
تُو پیکر حیا کا بنا یاالٰہی
Hamesha karoon kaash parde mein parda
Tu paikar haya ka bana ya Allah
لباس اپنا سنّت سے آراستہ ہو
عِمامہ ہو سر پر سجا یاالٰہی
Libas apna sunnat se aaraasta ho
Amaama ho sar par saja ya Allah
سبھی رُخ پہ اک مُشت داڑھی سجائیں
بنیں عاشقِ مصطَفٰے یاالٰہی
Sabhi rukh pe ek musht daadi sajaen
Banein ashiq-e-Mustafa ya Allah
ہراِک ’’مَدنی اِنْعام‘‘اے کاش! پاؤں
کرم کر پئے مصطَفٰے یاالٰہی
Har ek "Madani Inam" ae kaash! paoon
Karam kar paaye Mustafa ya Allah
ہو اَخلاق اچّھا ہو کردار سُتھرا
مُجھے متّقی تُو بنا یاالٰہی
Ho akhlaq achha ho kirdar suthra
Mujhe muttaqi tu bana ya Allah
غُصِیلے مِزاج اور تَمَسْخُر کی خَصلت
سے عطارؔ کو تو بچا یاالٰہی
Ghuseelay mizaaj aur tamaskhur ki khaslat
Se Attar ko tu bacha ya Allah
Share This Naat
Share with friends and family
عمل کا ہو جذبہ عطا یاالٰہی
الیاس عطار قادری