السّلام اے مِلّتِ اسلامیہ کے جاں نثار
السّلام اے پیرِ رومی ؒ کے مُریدِ با وقار
as-salaam ay millat-e-islamiah ke jaan nisaar
as-salaam ay peer-e roomi (R) ke mureed-e ba waqaar
وہ تصّور جو تجھے رکھتا تھا پیہم بے قرار
اس تصّور کا کیا ہے کِس نے دامن تار تار
woh tasawwur jo tujhe rakhta tha paiham beqaraar
is tasawwur ka kya hai kis ne daman taar taar
رنگ و بُو میں اُڑ گئی ہے اُس چمن کی آبرو
جس چمن میں تھی ترے نغمات سے فصلِ بہار
rang o boo mein urr gayi hai us chaman ki aabroo
jis chaman mein thi tere naghmaat se fasl-e-bahaar
آرزو کا مُدّعا کیا تھا ؟ شکستِ آرزو ؟
کارواں کو کیا ہُوا حاصِل بجز گرد و غُبار
aarzu ka mudda kya tha? shikast-e-aarzu?
kaarwan ko kya hua hasil bajuz gard o ghubar
کِس کی غفلت سے شکستہ ہو گئے جام و سبو
میکدے کا میکدہ کیوں ہوگیا ہے سوگوا ر
kis ki ghaflat se shikasta ho gaye jaam o saboo
maikade ka maikada kyun ho gaya hai sogwaar
آہ اےا قبؔال تو واقف نہ تھا اس راز سے
اس وطن کے راہبر تجھ کو کریں گے شرمسار
aah ay iqbal tu waqif na tha is raaz se
is watan ke raahbar tujh ko karenge sharmsaar
لَا اِلٰہ کے دم سے تھا میرے وطن کا اتحّاد
لَا اِلٰہ کو چھوڑنے کا ہے نتیجہ انتشار !
la illaah ke dum se tha mere watan ka ittihaad
la illaah ko chorhne ka hai nateja intezaar!
اے خودی کے رازداں فریاد ہے فریاد ہے
ٹکڑے ٹکڑے ہوگیا تیرا انوکھا شاہکار !
ay khudi ke raazdan faryaad hai faryaad hai
tukde tukde ho gaya tera anokha shahkaar!
اے شریکِ زُمرہ لَا یَحزنون تو ہی بتا ،
نوجوانانِ چمن کیوں ہو گئے ہیں اشکبار
ay shareek-e-zumra la yahzanun tu hi bata,
naujawanan-e-chaman kyun ho gaye hain ashkbaar
اِفتخارِ ملک و ملّت شاعرِ اِسلام سُن !
یاد کرتے ہیں تجھے لاہور کے لیل و نہار
iftekhar-e-mulk o millat shaayar-e-islam sun!
yaad karte hain tujhe lahore ke lail o nihar
شمعِ آزادی جو تیری فِکر سے روشن ہُوئی
عزمِ تازہ مانگتی ہے حُریّت کی یادگار
sham-e-aazadi jo teri fikr se roshan hui
azm-e-taaza maangti hai hurriyat ki yaadgaar
کیا کہے واصؔف کہ یہ اقؔبال کا پیغام ہے
ہوشیارِ اہلِ جنوں ، اہلِ خرد سے ، ہوشیار
kya kahe wasif keh ye iqbal ka paighaam hai
hoshiyar ahl-e-junoon, ahl-e-khirad se, hoshiyar
Share This Naat
Share with friends and family
السّلام اے مِلّتِ اسلامیہ کے جاں نثار
واصف علی واصف