الحذر از حُبِّ دنیا الحذر
یہ جہاں منزل نہیں ‘ ہے رہگذر
Al-hazar az hubb-i duniya al-hazar
Ye jahan manzil nahi ' hai rahguzar
خوبصُورت ہے جہانِ رنگ و بُو
کارواں سے ہی بچھڑ جائے نہ تُو
Khubsurat hai jahan-i rang o boo
Karwan se hi bichhar jaye na tu
کتنے داؔرا و سکندر ؔر کھو گئے
مل گئے مٹّی میں مٹّی ہوگئے !
Kitne dara o sikandar r kho gaye
Mil gaye matti mein matti hogaye!
یہ جہاں فانی ، فنا کوھے قیام
اِس جہاں میں کس کو حاصِل ہے دوام
Ye jahan faani, fana kohay qiyam
Is jahan mein kis ko hasil hai dawaam
ڈوب جاتے ہیں ستارے ، ماہتاب
"آفتاب آمد دلیلِ آفتاب"
Doob jate hain sitare, mahtab
"Aftab amad dalil-i aftab"
شور فانی ہے مگر باقی سکوت
یہ نفس ہے ایک تارِ عنکبوت
Shor faani hai magar baqi sakoot
Ye nafas hai aik taar-i ankaboot
زندگانی موت کی تصویر ھے !
ہر تمنّا پاؤں کی زنجیر ہَے
Zindagani maut ki tasveer hai!
Har tamanna pawaon ki zanjeer hai
موت سے ممکن نہیں ہرگز مفَر
نیستی ، ھستی ہیں دونوں ہمسفر
Maut se mumkin nahi hargiz mafarr
Nisti, hasti hain dono humsafar
کِس لیے ہیں آرزو کے سلسلے
سوچ تنہائی میں گر فُر صت ملے
Kis liye hain arzu ke silsile
Soch tanhai mein gar fur sat mile
کیا رہے گا تُو سدا اِس جا مکیں
کیا نہ جائے گا کبھی زیرِ زمیں !
Kya rahe ga tu sada is ja makeen
Kya na jaye ga kabhi zair-i zameen!
ہے کہاں بچپن ترا ماضی کہاں !
اب کہاں چہرے پہ باقی سُر خیاں
Hai kahan bachpan tera mazi kahan!
Ab kahan chehre pe baqi sorkhiyan
تُو مسافر ہے مسافر بن کے چل
وقت کے دشوار رستے میں سنبھل
Tu musafir hai musafir ban ke chal
Waqt ke dushwar raste mein sambhal
گُلشنِ ھستی میں آ بیگانہ وار
دیکھتا جا اِن بہاروں کا نکھار
Gulshan-i hasti mein aa begaana war
Dekhta ja in baharon ka nikhar
لاکھ مُر غانِ چمن ہوں نغمہ زن
صوت کے جادو میں کھو جائے نہ من
Laakh murghan-i chaman hon naghma zan
Sowt ke jadoo mein kho jaye na man
دیکھ چُپکے سے خزاؤں کا طلسم
دیکھ بن کر ایک آئینے کا جسم
Dekh chupkey se khazaon ka tilism
Dekh ban kar aik aayine ka jism
برق میں تنکے ہیں یا تنکوں میں برق
موت و ہستی میں ہے بس اتنا ہی فرق
Barq mein tanke hain ya tankon mein barq
Maut o hasti mein hai bas itna hi farq
خرمنِ ھستی پہ رکھ اپنی نگاہ!
اِ ک شرر کافی ہے کر نے کو تباہ!
Kharman-i hasti pe rakh apni nigah!
Ek sharar kafi hai kar ne ko tabah!
تجھ کو جانا ہے جہاں آباء گئے
جانے والے سب یہی فر ما گئے !
Tujh ko jana hai jahan aba gaye
Jane wale sab yehi farama gaye!
تُو نے دیکھے ہیں جنازے بے شمار
تُو نے کیا دیکھا نہیں اپنا مزار
Tu ne dekhe hain janaze be shumar
Tu ne kya dekha nahi apna mazaar
تجھ کو ہنگاموں سے فرصت بھی ملے
غور فرما نے کی مہلت بھی ملے !
Tujh ko hungaamon se fur sat bhi mile
Ghor farma ne ki mohlat bhi mile!
ہار پہنائے کوئی تجھ کو اگر !
جھوم جاتے ہیں ترے قلب و نظر
Haar pehnaye koi tujh ko agar!
Jhoom jate hain tere qalb o nazar
جھُوٹ ہَے تُو صاحبِ عرفان ہے
اے سگِ دُنیا یہی بُہتان ہے
Jhooth hai tu sahibi irfan hai
Ae sag duniya yehi buhtan hai
زر پرستی ، زر فشانی ، زرگری!
فقر کو سمجھا ہے تُو سودا گری !
Zar parasti, zar fashaanee, zar gari!
Faqr ko samjha hai tu soda gari!
تیری ، شُہرت کے لیے ہے بندگی
زندگی کے بعد بھی شر مندگی
Teri, shohrat ke liye hai bandagi
Zindagi ke baad bhi shar mandagi
تو فقط ہَے بندہِ حرص و ہَوا
بے خبر تُو فقر کو سمجھا ہے کیا
Tu faqat hai banda-i hirs o hawa
Be khabar tu faqr ko samjha hai kya
غم نہیں ، غم میں وہ ہے بے آرزو
فقر کی منزل مسلسل جُستجو !
Gham nahi, gham mein wo hai be arzu
Faqr ki manzil musalsal justuju!
ہاں مگر وہ جُستجو کچھ اور ہے
طالبِ مولیٰ کا اپنا طَور ہَے
Haan magar wo justuju kuch aur hai
Talib-i maula ka apna taur hai
اپنی منزل آپ جو طے کر گیا
وہ یہاں مرنے سے پہلے مر گیا!
Apni manzil aap jo tay kar gaya
Wo yahan marnay se pehle mar gaya!
حُبِّ دُنیا ہے تمنّا ئے یزیدؔ!
طالبِ دُنیا کمینہ سگ پلید!
Hubb-i duniya hai tamanna e yazeed!
Talib-i duniya kamina sag plid!
فقر کیا ہَے فکرِ دنیا سے نجات
فکرِ عقبیٰ فقر کا رازِ حیات
Faqr kya hai fikr-i duniya se nijat
Fikr-i uqba faqr ka raaz-i hayat
فقر ہَے " اَلْفقر فخری "بالیقیں
فقر کے دامن میں مال و زر نہیں
Faqr hai "al-faqr fakheri" baliqeen
Faqr ke daman mein maal o zar nahi
فقر اور اندیشہء سُود و زیاں؟
اِک حسیں چہرے پہ چیچک کے نشاں ؟
Faqr aur andesha-i sood o ziyan?
Ek haseen chehre pe cheechak ke nishan?
فقر ہے بے تابئ قلبِ حزیں
فقر اشکوں کے سوا کچھ بھی نہیں
Faqr hai betaab-i qalb-i hazineen
Faqr ashkon ke siwa kuch bhi nahi
فقر ہے نانِ جویں کی داستاں
زر پرستی فقر کی حامل کہاں
Faqr hai naan-i jawain ki dastaan
Zar parasti faqr ki hamil kaha
فقر تاریکی میں ہے روشن دِیا
فقر کی آواز ہے بانگِ درا ،
Faqr tareeki mein hai roshan diya
Faqr ki awaz hai bang-i dara,
فقر کا جامہ گلیمِ بوذرؔی۔
فقر کے بازو میں زورِ حیدؑری
Faqr ka jama galeem-i bozrri.
Faqr ke bazoo mein zor-i heidari
فقر قرنیؒ ، فقر جامیؒ ، فقر رومؒ
فرش کیا ہے عرش پر ہے اسکی دُھوم
Faqr qarni, faqr jami, faqr room
Farsh kya hai arsh par hai uski dhoom
فقر کے لب پر صدائے لَا اِلہٰ ،
اندلس ہو سندھ ہو ، یا کر بلا
Faqr ke lab par sada-i la ilaha,
Andalus ho sindh ho, ya kar bala
فقر کی مستیِ کا علم نیم شب
حق سے بندے کو ملانے کا سبب
Faqr ki masti ka ilm neem shab
Haq se bande ko milane ka sabab
فقر کیا ہے ایک مردِ دیدہ ور
ہر زمان و ہر جہاں سے باخبر
Faqr kya hai ek mard-i deeda war
Har zaman o har jahan se ba-khabar
فقر اِلّا اللہ کی تفسیر ہے
فقر کیا ہے سجدہ ء شبّیرؑ ہے
Faqr illa Allah ki tafseer hai
Faqr kya hai sajda-a shabbir hai
فقر ہے چاکِ گریبانِ حیات!
فقر ہی ھے موجِ بحرِ اسمِ ذات
Faqr hai chak-i gareeban-i hayat!
Faqr hi hai mauj-i bahr-i ism-i zaat
فقر کے دم سے ہے قائم انجمن
فقر کے در پہ نِگوں چرخِ کُہن
Faqr ke dam se hai qaim anjuman
Faqr ke dar pe nigoon charkh-i kuhan
فقر جبّہ میں ہے نے دستار میں !
یہ دُکانوں پر ہے نے بازار میں
Faqr jabba mein hai ne dastar mein!
Ye duqanon par hai ne bazar mein
فَقر ملتا ہے نہ جاہ و مال سے
فقر ملتا ہے نبیؐ کی آل سے !
Faqr milta hai na jah o maal se
Faqr milta hai nabi ki aal se!
فقر مل جائے جسے وہ ہے وَلی !
کون سمجھائے تجھے واصؔف علی
Faqr mil jaye jise wo hai wali!
Kaun samjhayey tujhe wasif ali
Share This Naat
Share with friends and family
الحذر از حُبِّ دنیا الحذر
واصف علی واصف