اگر اے نسیمِ سحر ترا ہو گزر دیار ِحجاز میں
مری چشمِ تر کا سلام کہنا حضورِ بندہ نواز میں
Agar ae naseem-e-sehar tera ho guzar dayar-e-hijaz mein
Meri chashm-e-tar ka salam kehna huzoor-e-banda nawaz mein
تمہیں حدِ عقل نہ پاسکی فقط اتنا حال بتا سکی
کہ تم ایک جلوہء راز تھے جو نہاں ہے رنگِ مجاز میں
Tumhein had-e-aqal na paa saki fakat itna haal bata saki
Ke tum aik jalwa-e-raaz the jo nahan hai rang-e-majaz mein
نہ جہاں میں راحتِ جاں ملی ، نہ متاعِ امن و اماں ملی
جو دوائے دردِ نہاں ملی ، تو ملی بہشتِ حجاز میں
Na jahan mein raahat-e-jaan mili, na mataa-e-aman o amaan mili
Jo dawaye dard-e-nahan mili, to mili behisht-e-hijaz mein
عجب اک سُرور سا چھا گیا مری روح و دل میں سما گیا
ترا نام ناز سے آگیا مِرے لب پہ جب بھی نماز میں
Ajab aik suroor sa chha gaya meri rooh o dil mein sama gaya
Tera naam naaz se aagaya mere lab pe jab bhi namaz mein
کروں نذر نغمہء جاں فزا میں کہاں سے اخترِ بے نوا
کہ سوائے نالہء دل نہیں مرے دل کے غمزدہ ساز میں
Karoon nazr naghma-e-jaan-faza mein kahan se akhtar-e-bay-nawa
Ke siwaye naala-e-dil nahi mere dil ke ghamzada saaz mein
Share This Naat
Share with friends and family
اگر اے نسیمِ سحر ترا ہو گزر دیار ِحجاز میں
اختر شیرانی