ابھی قدموں کو چُوما ہے ابھی چہرہ نہیں دیکھا
ابھی تک نُور کا بہتا ہوا دریا نہیں دیکھا
Abhi qadmom ko chooma hai abhi chehra nahi dekha
Abhi tak noor ka bahta hua dariya nahi dekha
جہاں خوشبو کے موسم اپنی پیشانی جھکاتے ہیں
ابھی وہ چاند تک پھیلا ہوا صحرا نہیں دیکھا
Jahan khushbu ke mausam apni peshani jhukate hain
Abhi woh chand tak phela hua sehra nahi dekha
مجھے معلوم کیا ؟ ہوتے ہیں کیسے پیار کے رشتے
ابھی مَیں نے کسی کو آگ میں جلتا نہیں دیکھا
Mujhe maloom kya? hote hain kaisy piar ke rishtay
Abhi main ne kisi ko aag main jalta nahi dekha
ابھی غارِ حرا اور ثور کا ہے دیکھنا باقی
ابھی وہ عرش کو چھُوتا ہوا رستہ نہیں دیکھا
Abhi ghar-e-hira aur saur ka hai dekhna baqi
Abhi woh arsh ko chhuta hua rasta nahi dekha
ابھی تو آنکھ بھی کھولی نہیں جا کر مدینے میں
ابھی کیا کیا بتاؤں میں ابھی کیا کیا نہیں دیکھا
Abhi to aankh bhi kholi nahi ja kar Madinay main
Abhi kya kya bataon main abhi kya kya nahi dekha
ابھی دیکھے نہیں اس چاند کے پہلو میں دو تارے
ابھی تک آسماں کو اس طرف جھکتا نہیں دیکھا
Abhi dekhe nahi is chand ke pehlu main do taray
Abhi tak aasmaan ko is taraf jhukta nahi dekha
Share This Naat
Share with friends and family
ابھی قدموں کو چُوما ہے ابھی چہرہ نہیں دیکھا
انجم نیازی