اب جائے کہاں اُمّتِ دلگیر نبی جی
کام آتی نہیں کوئی بھی تدبیر نبی جی
Ab jaaye kahan ummat e dilgeer Nabi Ji
Kaam aati nahi koi bhi tadbeer Nabi Ji
مشکل پہ ہے مشکل تو مصیبت پہ مصیبت
اس عُسر میں ہو صورتِ تیسیر نبی جی
Mushkil pe hai mushkil to museebat pe museebat
Is usr mein ho soorat e taseer Nabi Ji
حالات ہوئے جاتے ہیں ابتر سے بھی اخرب
للّٰہ کوئی صورتِ تعمیر نبی جی
Halaat huey jaate hain abtar se bhi akhrab
Lillah koi soorat e tamir Nabi Ji
مجبور ہے محصور ہے وہ کرب و بلا میں
ہے خون میں ڈوبا ہوا کشمیر نبی جی
Majboor hai mahsoor hai woh karb o bala mein
Hai khoon mein dooba hua Kashmir Nabi Ji
کشمیر کی تکلیف پہ جلتا ہے مرا دل
القدس بھی ہے درد کی تصویر نبی جی
Kashmir ki takleef pe jalta hai mera dil
Alquds bhi hai dard ki tasveer Nabi Ji
الجھے وہ مصائب میں ترے شام و یمن ہیں
برما کے مسلماں بھی ہیں نخچیر نبی جی
Uljhe woh masaa'ib mein tere shaam o Yaman hain
Burma ke musalman bhi hain nakhcheer Nabi Ji
عرصہ ہوا تنذیر کے صحرا میں بھٹکتے
دے ڈالیے اب کوئی سی تبشیر نبی جی
Arsa hua tanzeer ke sehra mein bhatakte
De daliye ab koi see tab'sheer Nabi Ji
جز آپ کے ہے کون یہاں حامی و یاور
جز آپ کے ہوتی نہیں تدبیر نبی جی
Juz aap ke hai kaun yahan haami o yavar
Juz aap ke hoti nahi tadbeer Nabi Ji
اقبال بھی حالی بھی سناتے رہے دکھڑے
کم ہونے میں آتی نہیں تعزیر نبی جی
Iqbal bhi Haali bhi sunate rahe dukhre
Kam hone mein aati nahi tazir Nabi Ji
نوری بھی ہے مجرم کی طرح حاضرِ دربار
مل جائے معافی، جو ہے تقصیر نبی جی
Noori bhi hai mujrim ki tarah haazir e darbaar
Mil jaye maafi, jo hai taqseer Nabi Ji
Share This Naat
Share with friends and family
اب جائے کہاں اُمّتِ دلگیر نبی جی
محمد ظفراقبال نوری