آیا ہے بُلاوا پِھر اِک بار مدینے کا
پھر جاکے میں دیکھوں گا دربار مدینے کا
Aaya hai bulawa phir ik bar madine ka
Phir ja ke mein dekhun ga darbar madine ka
گلشن سے حَسیں تر ہے کُہسار مدینے کا
بے مثل جہاں میں ہے گلزار مدینے کا
Gulshan se haseen tar hai kohsar madine ka
Be misal jahan mein hai gulzar madine ka
میں پُھول کو چُومونگااور دُھول کو چُومونگا
جس وقت کروں گا میں دیدار مدینے کا
Mein phool ko choomunga aur dhool ko choomunga
Jis waqt karun ga mein didar madine ka
آنکھوں سے لگالوں گا اور دل میں بَسالوں گا
سینے میں اُتاروں گا میں خار مدینے کا
Aankhon se lagalun ga aur dil mein basalun ga
Seene mein utarun ga mein khar madine ka
سینے میں مدینہ ہو اور دل میں مدینہ ہو
آنکھوں میں بھی ہو نقشہ سرکار! مدینے کا
Seene mein madina ho aur dil mein madina ho
Aankhon mein bhi ho naqsha Sarkar! Madine ka
لاتی ہے سرِ بالیں رحمت کی ادا اُن کو
جس وقت تڑپتا ہے بیمار مدینے کا
Lati hai sar-e-baleen rehmat ki ada un ko
Jis waqt tarapta hai bimaar madine ka
روتے ہیں جو دیوانے بے تاب ہیں مستانے
ان سب کو دکھا دیجے دربار مدینے کا
Rote hain jo deewane be taab hain mastane
Un sab ko dikha dije darbar madine ka
روتا ہے جو راتوں کو اُمّت کی مَحبَّت میں
وہ شافِعِ محشر ہے سردار مدینے کا
Rota hai jo raaton ko ummat ki muhabbat mein
Woh shafi'e-mahshar hai sardar madine ka
راتوں کو جو روتا ہے اور خاک پہ سوتا ہے
غم خوار ہے، سادہ ہے مختار مدینے کا
Raaton ko jo rota hai aur khaak pe sota hai
Gham khwar hai, saada hai mukhtar madine ka
قبضے میں دو عالَم ہیں پَر ہاتھ کا تکیہ ہے
سوتا ہے چٹائی پر سَردار مدینے کا
Qabze mein do aalam hain par haath ka takiya hai
Sota hai chatai par sardar madine ka
دُکھ دَرد جہاں بھر کے سب دُور شہا کرکے
مجھ کو تو بنا لیجے بیمار مدینے کا
Dukh dard jahan bhar ke sab door shaah karke
Mujh ko to bana lije bimaar madine ka
اِس در کے بھکاری کی جھولی میں دو عالَم ہیں
شاہوں سے بھی بڑھ کر ہے نادار مدینے کا
Is dar ke bhaikaari ki jholi mein do aalam hain
Shahon se bhi barh kar hai nadaar madine ka
مقبول جہاں بھر میں ہو’’دعوتِ اسلامی ‘‘
صدقہ تجھے اے ربِّ غفّار! مدینے کا
Maqbool jahan bhar mein ho ‘’Dawat-e-Islami’’
Sadaqa tujhe ae Rabb-e-Ghaffar! Madine ka
تقدیر چمک اٹّھے قسمت ہی تو کُھل جائے
بن جائے جو ادنیٰ سگ ،عطارؔ مدینے کا
Taqdeer chamak uthe qismat hi to khul jaye
Ban jaye jo adna sag, Attar madine ka
Share This Naat
Share with friends and family
آیا ہے بُلاوا پِھر اِک بار مدینے کا
الیاس عطار قادری