آتا ہے یاد شاہِ مدینہ کا در مجھے
مل جائے شہرِ نور کا رختِ سفر مجھے
Aata hai yaad Shah-e-Madina ka dar mujhe
Mil jaye shehr-e-noor ka rakht-e-safar mujhe
جاؤ درِ نبی پہ اگر کر چکے خطا
بتلا دیا کریم نے بابِ اثر مجھے
Jaon dar-e-Nabi pe agar kar chuke khata
Batla diya Kareem ne bab-e-asar mujhe
اللہ اس کو دونوں جہاں میں قرار دے
جس نے ربیعِ نور کی دی ہے خبر مجھے
Allah usko dono jahan mein qarar de
Jis ne Rabi-e-noor ki di hai khabar mujhe
روشن کروں گا سارے زمانے کو نعت سے
لفظوں کے دیجئے گا منور گہر مجھے
Roshan karun ga sare zamane ko naat se
Lafzon ke dijiye ga munawwar gaur mujhe
جس وقت میں حضور کے روضے کے پاس تھا
تکتے تھے چشمِ رشک سے شمس و قمر مجھے
Jis waqt mein Huzoor ke roza ke paas tha
Takte the chashm-e-rashk se shams o qamar mujhe
مجھ پر ہوا ہے خالقِ کونین کا کرم
توصیفِ مصطفیٰ کا ملا ہے ہنر مجھے
Mujh par hua hai Khaliq-e-kainat ka karam
Tauseef-e-Mustafa ka mila hai hunar mujhe
ہر وقت میں تصورِ آقا میں ہوں مگن
کثرت سے مل رہا ہے ثناء کا ثمر مجھے
Har waqt mein tasawwur-e-aqa mein hoon magan
Kasrat se mil raha hai sana ka samar mujhe
اشفاقؔ میں گدا ہوں شہِ دو جہان کا
ملتی ہے بھیک جود کی آٹھوں پہر مجھے
Ashfaq main gada hoon Shah-e-do jahan ka
Milti hai bheek jood ki aathon peher mujhe
Share This Naat
Share with friends and family
آتا ہے یاد شاہِ مدینہ کا در مجھے
اشفاق احمد غوری