آقائے دو جہاں مرے سرکار آپ ہیں
اور سارے انبیا کے بھی سردار آپ ہیں
Aaqa-e-do jahan mere Sarkar aap hain
Aur sare Ambiya ke bhi Sardar aap hain
جُود و کرم ہے آپ کا اُمت پہ بے کراں
مجبور و بے کسوں کے جو غم خوار آپ ہیں
Jood o karam hai aap ka Ummat pe be kiran
Majboor o bay kason ke jo Ghamkhaar aap hain
شمس و قمر، نجوم میں ہے آپ کی ضیا
اس روشنی کا منبعٔ انوار آپ ہیں
Shams o qamar, nujoom mein hai aap ki zia
Is roshni ka Manba e Anwaar aap hain
مشرک بھی آپ کو ہی کہیں صادق و امیں
بے مثل ایسے صاحبِ کردار آپ ہیں
Mushrik bhi aap ko hi kahen Sadiq o Ameen
Be misal aise sahib-e-kirdaar aap hain
اللہ نے سب خزانے بھی ہیں آپ کو دیے
قاسم ہیں آپ مالک و مختار آپ ہیں
Allah ne sab khazane bhi hain aap ko diye
Qasim hain aap malik o Mukhtaar aap hain
چہرہ ہے والضحیٰ تو ہے والیل زُلفِ پاک
اس ربِ لم یزال کے شہکار آپ ہیں
Chehra hai wal-duha to hai wal-lail zulf-e-pak
Is Rab-e-lam yazal ke Shahkar aap hain
لکھ لوں ثنا یہ ناز کی اوقات ہی نہیں
ہوتی ہے نعت یوں کہ مددگار آپ ہیں
Likh loon sana ye naaz ki auqaat hi nahi
Hoti hai naat yun ke madadgaar aap hain
Share This Naat
Share with friends and family
آقائے دو جہاں مرے سرکار آپ ہیں
صفیہ ناز