اعمال کے دَامن میں اپنے تقدیس کی دَولت لاتے ہیں
جو شرم گنا ہوں کی لیکر سرکار کے در پر جاتے ہیں
Aamaal ke daman mein apne taqdees ki daulat laate hain
Jo sharm gunahoon ki lekar Sarkar ke dar par jaate hain
مقبول جنہیں وہ فرما لیں اللہ و غنی ان کی عظمت
مَطلوبِ دَو عالم ہوتے ہیں محبوبِ خدا کہلاتے ہیں
Maqbool jinhein woh farma lein Allah o Ghani un ki azmat
Matloob-e-do aalam hote hain Mahboob-e-Khuda kehlaate hain
یہ بات بغیر عِشقِ نبیؐ مشکل سے سمجھ میں آئے گی
ایمان پہ مَرنے والوں کو اِحرام میں کیوں کفناتے ہیں
Yeh baat baghair ishq-e-Nabiﷺ mushkil se samajh mein aaye gi
Emaan pe marne walon ko ehram mein kyun kafnate hain
مُنہ مانگی مُرادیں مِلتی ہیں سِرکارِ دُوعالم کے در سے
محتاج و غنی و سلطان و گدا سَب ان کا دِیا ہی کھاتے ہیں
Munh maangi muraaden milti hain Sirkar-e-do aalam ke dar se
Mohtaj o Ghani o Sultan o gada sab un ka diya hi khaate hain
عاصی ہیں تو کیا خاطی ہیں تو کیا حامی ہے ہمارا بھی کوئی
زاہد کو عبادت پر غرۃ ہم نسبت پَر اِتراتے ہیں
Aasi hain to kya khaati hain to kya haami hai hamara bhi koi
Zahid ko ibaadat par ghurrat hum nisbat par itraate hain
دِل ان کی شفاعت پر قرباں جاں ان کی عطاؤں کے صدقے
ہم ہیں کہ خطائیں کرتے ہیں وہ ہیں کہ کرم فرماتے ہیں
Dil un ki shafa'at par qurbaan jaan un ki ataon ke sadqe
Hum hain ke khataen karte hain woh hain ke karam farmaate hain
کب دیکھئے پوری ہوتی ہے طیبہ کی زیارت کی حَسرت
جاتے ہیں مدینے جب زائر دل تھام کے ہم رہ جاتے ہیں
Kab dekhiye poori hoti hai Taiba ki ziarat ki hasrat
Jaate hain Madine jab zair dil thaam ke hum reh jaate hain
اس در کے گدا اے صَلِّ علیٰ قسمت کے سکندر ہیں خالد
دِن رات گداؤں پَر اپنے وہ اَبرِ کرم بَرساتےہیں
Is dar ke gada ae Sall-e-Ala qismat ke Sikandar hain Khalid
Din raat gadaoon par apne woh abr-e-karam barsaate hain
Share This Naat
Share with friends and family
اعمال کے دَامن میں اپنے
خالد محمود خالد