آج کیا وقت سحر مطلعِ تازہ اترا
وصفِ رخ کےلیے مضمون چمکتا اترا
Aaj kya waqt-e-sehar matla-e-taza utra
Wasf-e-rukh ke liye muzmoon chamakta utra
عرشِ اِلہام سے یوں نعت کا تحفہ اترا
شام میں جیسے ہو افلاک سے عیسیٰ اترا
Arsh-e-ilhaam se yun naat ka tohfa utra
Shaam mein jaise ho aflaak se Isa utra
نہ کسی اور کی تسکیں کو " کَفَینا " اترا
نہ کسی اور کی مدحت میں" رَفعنا "اترا
Na kisi aur ki taskeen ko "kafayna" utra
Na kisi aur ki madihat mein "rafna" utra
ان کی نعلین کے ذرے سے ہوا سامنا کیا ؟
چہرۂِ مہر ہے کس واسطے اترا اترا ؟
In ki nain ke zarray se hua saamna kya?
Chehra-e-mehr hai kis wastay utra utra?
دیکھا اس گل کے لبِ ناز کو کیا تو نے گلاب ؟
نشّۂِ رنگ و نزاکت تِرا سارا اترا
Dekha is gul ke lab-e-naaz ko kya tu ne gulaab?
Nasha-e-rang o nazakat tera saara utra
انبیا پچھلے ہوئے اس کی مقدّم اخبار
مبتدا ہو کے مُؤَخَّر مرا پیارا اترا
Anbiya pichhle hue is ki muqaddam akhbar
Mubtida ho ke moakhkhar mera piyara utra
پہلے خَیّاطِ ازل سے ہوا ظاہر وہ نور
بدنِ ہست سے پِھر نیست کا جامہ اترا
Pehle khayyaat-e-azal se hua zaahir woh noor
Badan-e-hast se phir naist ka jamaa utra
نورِ اَرضین و سماوات ہے جس سے مشتق
آدمی بن کے وہی نور خدا کا اترا
Noor-e-arzeen o samaawaat hai jis se mushtaq
Aadmi ban ke wohi noor Khuda ka utra
میرے اُمّی کو ہے رحماں نے پڑھایا ،گرچہ
لے کے جبریل امیں آیۂِ " اِقرا " اترا
Mere ummi ko hai Rehman ne parhaya, garche
Le ke Jibrail Ameen ayah-e-"Iqra" utra
تجھ پہ قرباں لبِ عیسیٰ ،اے ادائے ابرو
’’تیرے کشتہ کی زیارت کو مسیحا اترا‘‘
Tujh pe qurbaan lab-e-Isa, aye adaa-e-abroo
"Tere kushta ki ziyarath ko Maseeha utra"
وجہِ تعطیرِ تکلُّم ہے گلابِ توصیف
ورنہ کیا نعت کے گلشن میں اضافہ اترا ؟
Wajah-e-taateer-e-takallum hai gulaab-e-tauseef
Warna kya naat ke gulshan mein izafa utra?
چاہِ یوسف بھی فدا ہے ذقنِ احمد پر
حُسن کا ڈول یہاں بہرِ تماشا اُترا
Chaah-e-Yusuf bhi fida hai zakn-e-Ahmad par
Husn ka dol yahaan bahr-e-tamasha utra
بنتِ صدّیق ! تِری عظمت و عِفَّت پہ نثار
تیری توصیف میں ہے نور کا سورہ اترا
Bint-e-Siddiq! Teri azmat wa iffat pe nisaar
Teri tauseef mein hai noor ka surah utra
ہے عجب حسن معظمؔ کہ جہاں ہے قرباں
اور ابھی چہرۂِ انور سے نہ پردہ اترا
Hai ajab husn Muazzam ke jahan hai qurbaan
Aur abhi chehra-e-anwar se na parda utra
Share This Naat
Share with friends and family
آج کیا وقت سحر مطلعِ تازہ اترا
معظم سدا معظم مدنی