Select Reciter:
آج اشک میرے نعت سنائیں تو عجب کیا
سن کر وہ مجھے پاس بلائیں تو عجب کیا
Aaj ashk mere naat sunain to ajab kya
Sun kar woh mujhe paas bulain to ajab kya
ان پر تو گناہ گار کا سب حال کھلا ہے
اس پر بھی وہ دامن میں چھپائیں تو عجب کیا
Un par to gunah gaar ka sab haal khula hai
Is par bhi woh daaman mein chhupain to ajab kya
منہ ڈھانپ کے رکھنا کہ گناہ گار بہت ہوں
میت کو میری دیکھنے آئیں تو عجب کیا
Munh dhaanp ke rakhna ke gunah gaar bohat hoon
Mayyat ko meri dekhne aain to ajab kya
دیدار کے قابل تو نہیں چشمِ تمنا
لیکن وہ کبھی خواب میں آئیں تو عجب کیا
Deedaar ke qabil to nahin chashm-e-tamanna
Lekin woh kabhi khwab mein aain to ajab kya
نہ زادِ سفر ہے نہ کوئی کام بھلے ہیں
پھر بھی مجھے سرکار بلائیں تو عجب کیا
Na zaad-e-safar hai na koi kaam bhale hain
Phir bhi mujhe sarkaar bulain to ajab kya
حاصل جنہیں آقا کی غُلامی کا شرف ہے
ٹھوکر سے وہ مُردوں کو جِلائیں تو عجب کیا
Haasil jinhein aaqa ki ghulami ka sharaf hai
Thokar se woh murdon ko jilaain to ajab kya
وہ حسنِ دو عالم ہیں ادیب ان کے قدم سے
صحرا میں اگر پھول کھل آئیں تو عجب کیا
Woh husn-e-do aalam hain Adeeb unke qadam se
Sehra mein agar phool khil aain to ajab kya
آج اشک میرے نعت سنائیں تو عجب کیا
سن کر وہ مجھے پاس بلائیں تو عجب کیا
Aaj ashk mere naat sunain to ajab kya
Sun kar woh mujhe paas bulain to ajab kya
Share This Naat
Share with friends and family
آج اشک میرے نعت سنائیں تو عجب کیا
حضرت ادیب رائے پوری