زبانِ حال سے خاموش شب مجھ سے یہ کہتی ہے
خدا کی ذات اس لمحے نبیؐ کی نعت سنتی ہے
Zabaan-e-haal se khaamosh shab mujh se ye kehti hai
Khuda ki zaat is lamhe Nabiؐ ki naat sunti hai
گلابوں سے لدی ہیں نخلِ جاں کی ڈالیاں ساری
’’عجب خوشبو درودوں کی بدولت ساتھ رہتی ہے‘‘
Gulaabon se ladi hain nakhl-e-jaan ki daaliyaan saari
’’Ajab khushbu daroodon ki badolat saath rehti hai"
پیامِ رب ہے ’’اھدنا الصراط المستقیم‘‘ ایسا
کہ جس کی ہُو بہ ہُو تصویر شاہِؐ دیں کی ہستی ہے
Peyaam-e-Rabb hai ’’Ehdinas siratal mustaqeem" aisa
Ke jis ki hoo be hoo tasveer Shaah-eؐ deen ki hasti hai
ہے ’’لا تحزن‘‘ کے منصب پر فقط یارِ نبیؐ فائز
’’وَلَا خوفٌ‘‘ کی مصداق اولیا کی ذات ہوتی ہے
Hai ’’La tahzan" ke mansab par faqat yaar-e-Nabiؐ faaiz
’’Wala khaufun" ki masdaq auliya ki zaat hoti hai
صحابیّت کا زیور بھی ہے ’’عنداللہ اتقاکم‘‘
ہمیں اصحابؓ کی سیرت یہی پیغام دیتی ہے
Sahaabiyyat ka zevar bhi hai ’’Indallah atqaakum"
Hamen ashaabؓ ki seerat yehi payaam deti hai
مرے نزدیک دونوں کو تقدّس ایک جیسا ہے
درودِ پاک جیسی نعت میں تسکین ملتی ہے
Mere nazdeek dono ko taqadus ek jaisa hai
Darood-e-paak jaisi naat mein taskeen milti hai
سدا لطف و کرم کی بارشیں ہیں ان کی طاہرؔ پر
بحمد اللہ ہمہ دم کشتِ جاں شاداب رہتی ہے
Sada lutf o karam ki baarishein hain un ki Tahirؔ par
Bahamdullah humadam kisht-e-jaan shaadaab rehti hai
Share This Naat
Share with friends and family
زبانِ حال سے خاموش شب مجھ سے یہ کہتی ہے
پروفیسر محمد طاہر صدیقی