زبان حال سے کہتی ہے کربلا کی زمیں
خدا کے بندوں پہ کیوں تنگ ہے خدا کی زمیں
Zabaan e haal se kehti hai Karbala ki zameen
Khuda ke bandon pe kyu tang hai Khuda ki zameen
رہیں ادب کے تقاضے ہمیشہ پیشِ نظر
فلک جناب ہے خاصانِ باصفا کی زمیں
Rahen adab ke taqaze hamesha pesh e nazar
Falak janab hai khaasan e ba safa ki zameen
دہانِ ذرّہ جہاں کھول دے زبانِ سوال
ہزار گنج بکف ہے وہاں ، عطا کی زمیں
Dahan e zarra jahan khol de zabaan e sawal
Hazar ganj ba-kaf hai wahan, ata ki zameen
فلک کی آنکھ میں ترسیلِ گرد سے یہ کھُلا
جوابِ ظلم پہ مجبور ہے ، خدا کی زمیں
Falak ki aankh mein tarseel e gard se yeh khula
Jawab e zulm pe majboor hai, Khuda ki zameen
مزا تو جب ہے کہ مَیں سر کے بل وہاں پہنچوں
نہ آئے زیرِ قدم ، تیرے نقشِ پا کی زمیں
Maza to jab hai keh mein sar ke bal wahan pohnchun
Na aaye zer e qadam, tere naqsh e pa ki zameen
یہاں بھی قافلہء عرش سیر اُترا تھا
یہ کہہ رہی ہے ترے شہرِ جاں فزا کی زمیں
Yahan bhi qafila e arsh seer utra tha
Yeh keh rahi hai tere shehr e jaan fiza ki zameen
علی نے جب سے لقب بُو تراب کا پایا
کمالِ شوق سے ہے وجد میں ، خدا کی زمیں
Ali ne jab se laqab Boo e Tarab ka paaya
Kamaal e shauq se hai wajd mein, Khuda ki zameen
کسی کی آخری ہچکی نہ تھی ، قیامت تھی
ہو جیسے آج بھی سکتے میں ، کربلا کی زمیں
Kisi ki aakhri hichki na thi, qayamat thi
Ho jaise aaj bhi sakte mein, Karbala ki zameen
ہوائے دامنِ زھرا تلاش کرتی ہے
کہاں وہ پھُول چھُپائے ہیں ؟ نَینوا کی زمیں
Hawa e daman e Zahra talaash karti hai
Kahan woh phool chhupaye hain? Nainwa ki zameen
صد آفریں تجھے اے شوق ! کیا نکالی ہے
بیانِ کرب و بلا کے لیے ، بلا کی زمیں
Sad aafreen tujhe ae shauq! Kya nikaali hai
Bayan e karb o bala ke liye, bala ki zameen
کبھی پنپ نہیں سکتا نصیؔر ! نخلِ اثر
نہ ہو جو آبِ ندامت سے تر ، دُعا کی زمیں
Kabhi panap nahi sakta Naseer! Nakhl e asar
Na ho jo aab e nadamat se tar, dua ki zameen
Share This Naat
Share with friends and family
زبان حال سے کہتی ہے کربلا کی زمیں
سید نصیرالدیں نصیر