زندگی میری ہے یارب یہ امانت تیری
سب کو معلوم ہے مولا جو ہے عظمت تیری
Zindagi meri hai yarab ye amanat teri
Sab ko maloom hai mola jo hai azmat teri
تیرا ہر حکم اٹل، قادرِ مطلق تو ہے
منصف اعلا ہے توہی، اعلا عدالت تیری
Tera har hukam atal, qadir-e-mutlaq tu hai
Munsif aala hai tuhi, aala adalat teri
قطرے شبنم کے، سمندر کی روانی دیکھی
غنچہ و گل میں نظر آئی لطافت تیری
Qatre shabnam ke, samandar ki rawani dekhi
Ghuncha o gul mein nazar aayi latafat teri
دن بھی تیرے ہیں، مہینے بھی برس بھی تیرے
ایک اک لمحہ ترا اور ہے ساعت تیری
Din bhi tere hain, maheene bhi baras bhi tere
Ek ek lamha tera aur hai sa'at teri
میرے مولا تیرے الطاف و کرم کے صدقے
رسوا ہونے سے بچالیتی ہے رحمت تیری
Mere mola tere altaf o karam ke sadqe
Ruswa hone se bacha leti hai rehmat teri
تجھ کو معلوم ہے سب، سوچ رہا ہوں جو بھی
صدقے جاؤں ترے، ہے خوب سماعت تیری
Tujh ko maloom hai sab, soch raha hoon jo bhi
Sadqe jaoon tere, hai khoob sama'at teri
ناتواں ہم ہیں خطاوار بھی ہیں عاصی بھی
توہے غفار کرم کرنا ہے عادت تیری
Natawan hum hain khatavar bhi hain aasi bhi
To hai ghaffar karam karna hai aadat teri
ذکر نمرود کا فرعون کا جب ہوتا ہے
آئی ہے یاد مرے مولا جلالت تیری
Zikr Namrood ka Firaun ka jab hota hai
Aayi hai yaad mere mola jalalat teri
میری حاجات کو پورا کیا مولا تونے
لمحہ لمحہ رہی طاہرؔ پہ عنایت تیری
Meri haajaat ko poora kiya mola tune
Lamha lamha rahi Tahir pe inayat teri
Share This Naat
Share with friends and family
زندگی میری ہے یارب یہ امانت تیری
طاہر سلطانی