Manqabat
زینبؑ، نبیؐ کا ناز، اِمامت کی آبرُو
زینبؑ، نبیؐ کا ناز، اِمامت کی آبرُو
جس کے شرف کی دھوم ہے عالم میں چار سو
شرم و حیا کی جھیل ، شرافت کی آبجوُ
جبریؔل جس کا نام نہ لیتا ہو بے وضو
وہ جس کا ذکر سن کے فضا عطر بیز ہے
تعظیم دیکھنا کہ قلم سجدہ ریز ہے
بزمِ نِساء کی صدر، مصائب میں حق شناس
جس کی رِدا تھی دیں کے لیے خُمس میں لباس
جس کا وجود، حق کے ارادوں کا اقتباس
کو ثر کی موج بن گئی جس کے لبوں کے پیاس
جو لُٹ کے بھی وجودِ خُدا کی دلیل تھی
اپنی صداقتوں کی جو تنہا وکیل تھی
Zainab(a.s.), Nabi(s.a.w) ka naaz, imamat ki aabro
Jis ke sharaf ki dhoom hai aalam mein chaar soo
Sharam o haya ki jheel, sharafat ki aabju
Jibra'il jis ka naam na leta ho be wuzu
Wo jis ka zikr sun ke faza ittar baiz hai
Tazeem dekhna ke qalam sajda raiz hai
مہکا گئی جو اپنے چمن کی کلی کلی
جس نے حُسینیّت کو سجایا گلی گلی
کانٹوں بھرے سفر میں جہاں تک چلی چلی
لیکن سِکھا گئی ہے جہاں کو علیؑ علیؑ
اِسلام بچ گیا یہ اسی کا کمال تھا
ورنہ خدا کے دیں کا تعارف محال تھا
Bazm-e-nisa ki sadr, masaib mein haq shanas
Jis ki rida thi deen ke liye khums mein libaas
Jis ka wajood, haq ke iradon ka iqtebas
Kausar ki mauj ban gayi jis ke labon ke pyaas
Jo lut ke bhi wajood-e-Khuda ki daleel thi
Apni sadaqaton ki jo tanha wakeel thi
ہرچند اُس کے باغ کی ہر شاخ جھڑ گئی
لیکن مثالِ برق ہواؤں سے لڑ گئی
بھائی کے ساتھ ساتھ اصولوں پہ اَڑ گئی
زینبؑ ضمیرِ سنگ میں آئینے جَڑ گئی
بھائی سے یوں بہن نے تڑپ کر عَلَم لیا
آخر یزیدیت کو فتح کر کے دَم لیا
Mehka gayi jo apne chaman ki kali kali
Jis ne husyaniyat ko sajaya gali gali
Kaanton bhare safar mein jahan tak chali chali
Lekin sikha gayi hai jahan ko Ali(a.s.) Ali(a.s.)
Islam bach gaya ye usi ka kamaal tha
Warna Khuda ke deen ka taaruf mahaal tha
طاعت میں بے مثال، شجاعت میں بے بدل
قدموں میں بھی ثبات، ارادوں میں بھی اٹل
سیرت میں بُردبار، بصیرت میں بے خلل
معیار با وقار تو گفتار بَر محل
انساں کو زندگی کا قرینہ سِکھا گئی
زینبؑ حُسینیت کو بھی جینا سِکھا گئی
Harchand us ke baagh ki har shaakh jhad gayi
Lekin misal-e-barq hawaon se ladh gayi
Bhai ke saath saath usoolon pe ar gayi
Zainab(a.s.) zameer-e-sang mein aayine jad gayi
Bhai se yun behan ne tadap kar alam liya
Aakhir Yazidiyat ko fatah karkay dam liya
اللہ رے عزم و ہمّتِ بنتِ شہِ نجف
حالات غم بجاں تھے تو جذبات سر بکف
ہر چند ریزہ ریزہ تھا احساس کا صدف
پھر بھی بصد خروش چلی شام کی طرف
ظلمت کو عکسِ صبحِ درخشاں بنا دیا
پاؤں کے آبلوں کو گلستاں بنا دیا
Taat mein bemisaal, shujaat mein bedal
Qadmon mein bhi sabat, iradon mein bhi atal
Seerat mein burdabar, baseerat mein bekhalal
Meyar bawqaar to guftaar bar mahal
Insaan ko zindagi ka qareena sikha gayi
Zainab(a.s.) Husayniyat ko bhi jeena sikha gayi
زنّداں میں حریّت کے دریچوں کو وا کیا
ہر فرضِ کِردگار اُجڑ کر ادا کیا
اِسلام کو حسینؑ سا بھائی عطا کیا
پھر بھی یہ پوچھتے ہو کہ زینبؑ نے کیا کیا
دیں کی خزاں کو تھی جو ضرورت بہار کی
زینبؑ نے ہنس کے چادرِ زہرؑا نثار کی
Allah re azm o himmat-e-bint-e-shah-e-Najaf
Halaat gham baja tha to jazbat sar bakaf
Harchand reza reza tha ehsas ka sadaf
Phir bhi basad kharosh chali shaam ki taraf
Zulmat ko aks-e-subh-e-darakhshan bana diya
Paaon ke aablon ko gulistan bana diya
پردے میں رہ کے ظلم کے پردے اُلٹ گئی
پہنی رَسن تو ظلم کی زنجیر کٹ گئی
نظریں اُٹھیں تو جَبر کی بدلی بھی چھَٹ گئی
لَب سی لیے تو ضبط میں دنیا سمٹ گئی
بولی تو پتّھروں کو پگھلنا سِکھا گئی
اِنساں کو لغزشوں میں سنبھلنا سکھا گئی
مریمؔ مزاج، عرش مکاں، آسماں قدم
عصمت مآب، خلدِ زمیں، کہکشاں حرم
زہرؑا شعور، حاجرہ خو، مصطفےٰؐ حشم
خالق صفت، کلیمِ زباں، مرتضےٰ کرم
بہرِ ستم یہ صبر کی شمشیر بن گئی
زینب دیارِ شام میں شبّیر بن گئی
Zindan mein hurriyat ke darichon ko wa kiya
Har farz-e-kirdgar ujad kar adaa kiya
Islam ko Husayn(a.s.) sa bhai ata kiya
Phir bhi ye pochte ho ke Zainab(a.s.) ne kya kiya
Deen ki khizaan ko thi jo zarurat bahaar ki
Zainab(a.s.) ne hans ke chadar-e-Zahra(a.s.) nisaar ki
دیکھا جو کربلا میں دِل دیں کا اِنتّشار
نکلی نیامِ خیمہ سے شمشیرِ کردگار
ملنے لگا زمیں میں تشدّد کا اقتدار
مجبُور ہو کے رہ گیا شاہی کا اِختیار
حملہ کیا تو کر گئی اعلانِ عام بھی
تا حشر اب نہ لے کوئی بیعت کا نام بھی
Pardey mein reh ke zulm ke perde ulat gayi
Pehni rasan to zulm ki zanjeer kat gayi
Nazrein uthin to jabr ki badli bhi chat gayi
Lab si liye to zabat mein duniya simat gayi
Boli to paththron ko pighalna sikha gayi
Insan ko lagzishon mein sambhalna sikha gayi
روحِ وفا، مزاجِ حیا، پیکرِ حجاب
وہ جس کے سائے سے بھی گریزاں تھا آفتاب
لیکن گہن میں دیکھ کے زہرؑا کا ماہتاب
آیا کچھ اس طرح سے طبیعت میں انقلاب
بعد از حسینؑ صبر کی عکّاس بن گئی
بنتِ علیؑ جلال میں عبّاس بن گئی
Maryam(a.s.) mizaaj, arsh makaan, aasmaan qadam
Ismat maab, khald-e-zameen, kahkashaa haram
Zahra(a.s.) shaoor, Hajrah(a.s.) khoo, Mustafa(s.a.w.) hasham
Khaliq sifat, Kaleem-e-zubaan, Murtaza(a.s.) karam
Behr-e-sitam ye sabr ki shamsheer ban gayi
Zainab(a.s.) deyar-e-Shaam mein Shabbir ban gayi
گِرتے ہُوئے عَلم کو سنبھالا کچھ اس طرح
بھائی کے خوں سے دیں کو اُجالا کچھ اس طرح
تاجِ شہی فضا میں اُچھالا کچھ اس طرح
نطقِ پَدر میں لہجے کو ڈھالا کچھ اس طرح
ہر بات ذوالفقار کی جھنکار بن گئی
پردہ نشیں تھی حیدؑرِ کرار بن گئی
Dekha jo Karbala mein dil deen ka int-e-shaar
Nikli niyam-e-khaimah se shamsheer-e-Kirdgar
Milne laga zameen mein tashddud ka ikhtiyar
Majboor ho ke reh gaya shahi ka ikhtiyar
Hamla kiya to kar gayi ilan-e-aam bhi
Ta hashr ab na le koi bai'at ka naam bhi
طے ہوچکے جو صبرِ مسلسل کے مرحلے
دیکھو وہ لب ہلے وہ کھلے دیں کے مسْلے
چَونکے خُمارِ خواب سے مدّت کے ولولے
زینبؑ جگا رہی ہے سرِ شام زلزلے
آواز گونجتی ہے جو عرشِ برین پر
جبرؔیل پَر بچھائے ہُوئے ہے زمین پر
Ruh-e-wafa, mizaaj-e-haya, paikar-e-hijaab
Wo jis ke saaye se bhi girezaan tha aaftaab
Lekin gahan mein dekh ke Zahra(a.s.) ka mahtab
Aaya kuch is tarah se tabiyat mein inqilaab
Ba'ad az Husayn(a.s.) sabr ki akkaas ban gayi
Bint-e-Ali(a.s.) jalaal mein Abbas ban gayi
لو گو زمیں بھی ہم ہیں، فلک بھی فضا بھی ہم
حق آشنا بھی، خالِقِ حق کی رضا بھی ہم
لوح و قلم بھی ہم ہیں، قدر بھی قضا بھی ہم
عادل بھی ہم، قسیمِ جزا و سزا بھی ہم
دیکھو ہمیں کہ ہم ہی رُخِ ذُوالجلال ہیں
پہچان لو کہ ہم ہی محمّدؐ کی آل ہیں
Girte hue alam ko sambhaala kuch is tarah
Bhai ke khoon se deen ko ujala kuch is tarah
Taaj-e-shahi faza mein uchhala kuch is tarah
Nutq-e-pidar mein lehje ko dhaala kuch is tarah
Har baat Zulfiqar ki jhankaar ban gayi
Parda-nasheen thi Haider(e) Karrar ban gayi
سوچو کجا یہ رنج و محن اور ہم کجا
دیکھو کجا یہ طوق ؤ رسن اور ہم کجا
لوگو کجا یہ سُرخ کفن اور ہم کجا
بولو، کجا یہ بھیڑ، گھٹن اور ہم کجا
پوچھو، مرے چمن کے شگوفے کدھر گئے ؟
کتنے یتیم تھے جو سفر ہی میں مرَگئے ؟
یہ بے رِدا اَسیر محمدؐ کے گھر کے ہیں
سارے ہی تشنہ لب ہیں اور آٹھوں پہر کے ہیں
مہمان کچھ یتیم یہاں رات بھَر کے ہیں
پاؤں میں آبلے بھی اَبھی تک سفر کے ہیں
تحریر کس طرح کی یہ لَوحِ جہاں پہ ہے
منبر پہ بے نماز، نمازی سِناں پہ ہے
کھُلنے لگی وہ بات جو اب تک تھی راز میں
آیا جو زلزلہ سا ضمیرِ حجاز میں
یہ احتجاج بارگہِ بے نیاز میں
یارَب ! سرِ حسینؑ کٹے اور نماز میں
یہ کہہ کے جب حسینؑ کو دیکھا تو رُک گئی
زینبؑ خموش ہو کے سکینہؑ پہ جُھک گئی
Tay ho chuke jo sabr-e-musalsal ke marhale
Dekho wo lab hile wo khule deen ke masle
Chonke khumar-e-khawab se muddat ke walwle
Zainab(a.s.) jaga rahi hai sar-e-shaam zalzale
Awaaz goonjti hai jo arsh-e-barin par
Jibra'il par bichaaye hue hai zameen par
Share This Naat
Share with friends and family
زینبؑ، نبیؐ کا ناز، اِمامت کی آبرُو
محسن نقوی