یہ نعت مصطفیٰ کا معجزہ ہے
کہ سارا گھر مِرا مہکا ہوا ہے
Yeh naat-e-Mustafa ka mojza hai
ke sara ghar mera mehka hua hai
خود ان کا نام ہے ان کا قصیدہ
قصیدہ گو بذاتِ خود خدا ہے
Khud un ka naam hai un ka qasida
qasida go bezat-e-khud Khuda hai
خدا کے بعد اُن کا نامِ نامی
بڑوں سے بھی بڑا‘ سب سے بڑا ہے
Khuda ke baad un ka naam-e-nami
badoon se bhi bara, sab se bara hai
اثاثہ بوریا اور کالی کملی
مگر رتبہ شہِ ارض و سما ہے
Asasa boriya aur kali kamli
magar rutba shah-e-arz o sama hai
غذا نانِ جویں‘ وہ بھی بہ قلّت
مگر سارا جہاں اُن کا گدا ہے
Ghiza naan-e-jawin, woh bhi be qillat
magar sara jahan un ka gada hai
تہی دست و تہی داماں بظاہر
مگر خاکِ قدم بھی کیمیا ہے
Tahi dast o tahi daman bazahir
magar khaak-e-qadam bhi kemya hai
بشر بھی ‘ عبد بھی ‘ اُمّی لقب بھی
مگر منصب امام الانبیا ہے
Bashar bhi, abd bhi, ummi laqab bhi
magar mansab imam-ul-anbiya hai
دِیا مٹی کا حُجرے کا مقدر
مگر حجرہ نشیں بدرُ الدجی ہے
Dia mitti ka hujray ka muqaddar
magar hujra nasheen badr-ul-duja hai
بند زخمی کیا جن ظالموں نے
انہیں کے حق میں ہونٹوں پر دعا ہے
Band zakhmi kiya jin zalimon ne
unhi ke haq mein honton par dua hai
خدا لگتی کہو دنیا کے لوگو!
اگر رحمت نہیں ہے یہ تو کیا ہے
Khuda lagti kaho dunya ke logo!
Agar rehmat nahi hai yeh to kya hai
سنبھلتا ہی نہیں اب مجھ سے دامن
خدا نے مجھ کو اتنا کچھ دیا ہے
Sambhalta hi nahi ab mujh se daman
khuda ne mujh ko itna kuch diya hai
سبب ظاہر ہے اس لطف و کرم کا
یہ آقاؐ سے محبت کا صلہ ہے
Sabab zahir hai is lutf o karam ka
ye aqa se mohabbat ka sila hai
Share This Naat
Share with friends and family
یہ نعت مصطفیٰ کا معجزہ ہے
پروفیسراقبال عظیم