Manqabat
یہی زندہ حقیقت ہے یہی سچ بات بابُو جیؒ
یہی زندہ حقیقت ہے یہی سچ بات بابُو جیؒ
ہزاروں وصف ہیں اور اک تمہاری ذات بابُو جیؒ
Yehi zinda haqeeqat hai yehi sach baat babu jiؒ
Hazaron wasf hain aur ek tumhari zaat babu jiؒ
تمہارے دَم قدم سے تھی نرالی بات بابُو جیؒ
نہ ویسے دن ہیں بابُو جیؒ ، نہ ویسی رات بابُو جیؒ
Tumhare dam qadam se thi nirali baat babu jiؒ
Na waise din hain babu jiؒ, na waisi raat babu jiؒ
کرم گُستر تمہِیں ہم پر رہے دن رات بابُو جیؒ
ہماری لاج ہے اب بھی تمہارے ہات بابُو جیؒ
Karam guster tumheen hum par rahe din raat babu jiؒ
Hamari laaj hai ab bhi tumhare haat babu jiؒ
جو زائر آرہا ہے ، کہہ رہا ہے وہ عقیدت سے
اِدھر بھی ہو عنایت کی ذرا برسات بابُو جیؒ
Jo zaair aa raha hai, keh raha hai woh aqeedat se
Idhar bhi ho inayat ki zara barsaat babu jiؒ
حقیقت ہے بحر تک خواب میں جلوے تمہارے تھے
حُضوری میں گزاری ہم نے ساری رات بابُو جیؒ
Haqeeqat hai bahr tak khwab mein jalwe tumhare the
Huzoori mein guzari hum ne sari raat babu jiؒ
محبّت کی نظر سے دوست دُشمن سب کودیکھا ہے
رہی سب پر کرم فرما تمہاری ذات بابُو جیؒ
Mohabbat ki nazar se dost dushman sab ko dekha hai
Rahi sab par karam farma tumhari zaat babu jiؒ
چلیں دُشمن نے چالیں اور سب اُلٹی پڑیں اُس پر
بھلائی سے بدی کو تُم نے دی ہے مات بابُو جیؒ
Chalein dushman ne chalain aur sab ulte parheen us par
Bhalai se badi ko tum ne di hai maat babu jiؒ
ہمیں اپنا بنایا ، پھر کرم ہم سب پہ فرمایا
نگاہِ مہر سے دیکھا کیے دن رات بابُو جیؒ
Humein apna banaya, phir karam hum sab pe farmaya
Nigah-e-mehr se dekha kiye din raat babu jiؒ
وہی سرِّ حقیقت ہے ،وہی رازِ طریقت ہے
اشاروں سے ہمیں سمجھا گئے جو بات ، بابُو جیؒ
Wohi sir-e-haqeeqat hai, wohi raaz-e-tariqat hai
Ishaaron se humein samjha gaye jo baat, babu jiؒ
تمارے درس ہی نے مجھ کو توحید آشنائی دی
وگرنہ کیا ہُوں مَیں ، کیا ہے مِری اوقات، بابُو جیؒ
Tumhare dars hi ne mujh ko tauheed aashnai di
Wagarna kya hoon main, kya hai meri auqaat, babu jiؒ
نصیؔر آیا ہے لے کر آج گُلدستہ عقیدت کا
یہی ہے اُس کا نذرانہ ، یہی سوغات بابُو جیؒ!
Naseer aaya hai le kar aaj guldasta aqeedat ka
Yehi hai us ka nazrana, yehi soghat babu jiؒ!
Share This Naat
Share with friends and family
یہی زندہ حقیقت ہے یہی سچ بات بابُو جیؒ
سید نصیرالدیں نصیر