یہاں سے گرچہ مدینے کا فاصلہ ہے بہت
خدا کا شکر ابھی مجھ میں حوصلہ ہے بہت
Yahan se garchay Madine ka faasla hai bohot
Khuda ka shukar abhi mujh mein hosla hai bohot
کہیں بھی ہوں میں دیارِ نبیؐ میں رہتا ہوں
کسی کو ملنا ہے مجھ سے تو یہ پتہ ہے بہت
Kahin bhi hoon main deyar-e-Nabiﷺ mein rehta hoon
Kisi ko milna hai mujh se to ye pata hai bohot
بجز خدا کوئی اُس سے بڑا ہوا ہے نہ ہو
وہ ذاتِ پاک جو محبوبِ کبریا ہے بہت
Bajaz Khuda koi us se bada hua hai na ho
Wo zaat-e-paak jo mehboob-e-Kibriya hai bohot
اُسی کے دامن رحمت سے واسطہ رکھو
گناہ گاروں کے حق میں یہ واسطہ ہے بہت
Usi ke daaman rahmat se waasta rakho
Gunahgaaron ke haq mein ye waasta hai bohot
خدایا ہم کو عطا ہو متاعِ عشقِ رسول
نجات چاہیے تم کو تو یہ دعا ہے بہت
Khudaya hum ko ata ho mata-e-ishq-e-Rasool
Najaat chahiye tum ko to ye dua hai bohot
سبھی کا عقدہ کشا ہے اگرچہ ان کا کرم
جو بے سہارا ہیں ان کو نوازتا ہے بہت
Sabhi ka aqda kusha hai agarche un ka karam
Jo be sahara hain un ko nawazta hai bohot
ہے کون جس کو وہاں سے ملی نہ ہو خیرات
مگر جو کچھ نہیں کہتے انہیں ملا ہے بہت
Hai kaun jis ko wahan se mili na ho khairaat
Magar jo kuch nahi kehte unhein mila hai bohot
دیارِ پاک کی عظمت بیان ہو کیسے
کہ ذرّہ ذرّہ بھی اس شہر کا بڑا ہے بہت
Deyar-e-Paak ki azmat bayan ho kaise
Ke zarra zarra bhi is shehar ka bara hai bohot
حضور کو مِری نعتیں سلام کر آئیں
مرے خلوص سخن کا یہی صلہ ہے بہت
Huzoor ko meri naats salam kar aayein
Mere khuloos-e-sukhan ka yehi sila hai bohot
Share This Naat
Share with friends and family
یہاں سے گرچہ مدینے کا فاصلہ ہے بہت
پروفیسراقبال عظیم