یاد جدوں آئی طیبا دی
مہکن لگ پئی دل دی وادی
Yaad jado aayi Tayba di
Mehkan lag payi dil di waadi
ہر منظر سی نواں نرویا
اکھّیں ڈٹھی شان خدا دی
Har manzar si nawan naroya
Akhhan dathi shaan Khuda di
شاہ اسوار مکّے دے اترے
چمک پئی تقدیر قبا دی
Shah aswaar Makke de utre
Chamak payi taqdeer qabaa di
ایتھے کجھ دن ڈیرا لایا
نال اصحاباں میرے ہادی
Eithe kujh din dera laya
Naal ashaaban mere Haadi
تقوے دی بنیاد تے ابھری
ایتھے مسجد ساد مرادی
Taqwe di buniyaad te ubhari
Eithe masjid saad muraadi
شہر ول جسدم ناقہ آیا
راہ تکدی سی خلق اللہ دی
Shehar wal jasm naaqa aaya
Raah takdi si khalq Allah di
طلع البدر دا نغمہ چھڑیا
قسمت جاگی اوس فضا دی
Talaa al-badr da naghma charria
Qismat jagi oas faza di
جتھے پہلوں رکی سواری
ملک زیارت کرن اس جا دی
Jithe pehlon ruki sawaari
Malik ziarat karan oas ja di
خانہ ابو ایوب دا بنیا
پہلی منزل ماہ بطحا دی
Khaana Abu Ayyub da baniya
Pehli manzil maah Butha di
یثرب بنیا طیبہ طابہ
بدل گئی تاثیر ہوا دی
Yasrab baniya Tayba Taaba
Badal gayi taseer hawa di
مسجد نبوی اُسرن لگّی
قدسی سن جس وچ امدادی
Masjid Nabawi usran laggi
Qudsi san jis vich imdaadi
فیض نبیؐ دے پاروں ہوئی
ایہہ مسجد جگ دی شہزادی
Faiz Nabiﷺ de paron hoi
Eh masjid jag di shehzaadi
بنیا ایتھے دینی مرکز
ہوندی گئی حق دی آبادی
Baniya eithe deeni markaz
Hondi gayi haq di abadi
دل وچ پھُل کھڑاوان لگی
پنج ویلے تکبیر منادی
Dil vich phul kharawan lagi
Panj wele takbeer munaadi
بھائی چارہ ایسا ہویا
دونی ہو گئی شان وفا دی
Bhaai chaara aisa hoya
Duni ho gayi shaan wafa di
دُکھ پردیسیاں دے گئے کٹے
درداں ماریاں ویکھی شادی
Dukh pardesiyan de gaye katte
Dardan maariyan vekhi shaadi
ایتھے ای اوڑک حل ہویا
جو جو مسئلہ سی بنیا دی
Eithe e aorak hal hoya
Jo jo masla si baniya di
رحمت نال نوازا گیا
ہویا جو ایتھے فریادی
Rehmat naal nawaza gaya
Hoya jo eithe faryadi
ماڑیاں تائیں عزتاں ملیاں
ملی غلاماں نوں آزادی
Maariyan taun iztaan maliyaan
Mili ghulaman nu azadi
ایتھے ای حسان نے پائی
پرت انوکھی مدح ثنا دی
Eithe e Hassaan ne payi
Parte anokhi madh sana di
کعب نے ایسے تھاویں پائی
آقاؐ توں بخشیش ردا دی
Kaab ne aise thaaven payi
Aaqaﷺ ton bakhshish rida di
توں وی تائب پیش کر ایتھے
صفت ثنا اپنے آقاؐ دی
Ton vi taib paish kar eithe
Sifat sana apne Aaqaﷺ di
جے چاہویں سرکاروں چادر
جے لوڑیں عزّت عقبا دی
Je chahwen Sarkaaraan chadar
Je lordain izzat uqba di
Share This Naat
Share with friends and family
یاد جدوں آئی طیبا دی
حفیظ تائب