یا نبی آپ کی چوکھٹ پہ بھکاری آئے
مانگنے رزقِ ثنا نعت لکھاری آئے
Ya Nabi aap ki chaukhat pe bhikari aaye
Maangne rizq-e-sana naat likhari aaye
رُت گُلابوں کی رگِ جاں کو معطر کر دے
کُوئے خُوشبُو سے اگر بادِ بہاری آئے
Rut gulaabon ki rag-e-jaan ko muattar kar de
Kooye khushboo se agar baad-e-bahaari aaye
کاسۂ چشم لیے بیٹھا ہے اک مدت سے
جانے کب تشنۂ دیدار کی باری آئے
Kaasa-e-chashm liye baitha hai ek muddat se
Jaane kab tishna-e-deedaar ki baari aaye
لکھنے والے ہمیں سرکار کے شیدا لکھیں
گفتگو جب سرِ قرطاس ہماری آئے
Likhne wale humein Sarkar ke Sheeda likhein
Guftagu jab sar-e-qartaas hamari aaye
دھڑکنیں دف کے قرینے سے کریں استقبال
جس گھڑی سرورِ عالم کی سواری آئے
Dharkanen daf ke qareene se karein istaqbaal
Jis ghari Suroor-e-Aalam ki sawari aaye
دکھ رقم ہو مری آنکھوں میں تری فرقت کا
شیشۂ دل پہ ترے ہجر کی دھاری آئے
Dukh raqam ho meri aankhon mein teri furqat ka
Sheesha-e-dil pe tere hijr ki dhaari aaye
کاش مل جائے حُضوری کی اجازت پھر سے
دینے اشفاق ترے در پہ بُہاری آئے
Kaash mil jaye huzoori ki ijazat phir se
Dene Ashfaq tere dar pe buhaari aaye
Share This Naat
Share with friends and family
یا نبی آپ کی چوکھٹ پہ بھکاری آئے
اشفاق احمد غوری