وجودِ خاک خورشیدِ نبّوت کی قبا ٹھہرا
تو چشمِ آدمیّت میں جمالِ مصطفےٰؐ ٹھہرا
Wajood-e-khaak khursheed-e-nabuwat ki qaba thehra
To chashm-e-admiyat mein jamal-e-Mustafa (SAW) thehra
محمدؐ کی بڑائی کا ثبوت اتنا ہی کافی ہے
تریسٹھ سال کا سارے زمانوں سے بڑا ٹھہرا
Muhammad (SAW) ki barai ka saboot itna hi kaafi hai
Tressath saal ka saaray zamanon se bara thehra
جناب نوح کی پسلی پہ آقاؐ کی رہائش تھی
سفینہ اس لئے کہسار کی چوٹی پہ جا ٹھہرا
Janab-e-Nuh ki pasli pe Aqa (SAW) ki reharaish thi
Safeena is liye kohsaar ki choti pe ja thehra
اُسی کی انگلیوں میں وقت کے دونوں سرے دیکھے
کہیں وہ ابتدا ٹھہرا کہیں وہ انتہا ٹھہرا
Ussi ki ungliyon mein waqt ke dono siray dekhe
Kahin wo ibtida thehra kahin wo inteha thehra
اسی کی ٹھوکروں میں منزل مقصود رہتی تھی
اُسی کی جھونپڑی میں زندگی کی ارتقا ٹھہرا
Ussi ki thokron mein manzil-e-maqsood rehti thi
Ussi ki jhonpari mein zindagi ki irtiqa thehra
یہودی کی غلاظت دھوئی جس نے اپنے ہاتھوں سے
وہی تہذیب و اخلاقِ جہاں کا مدّعا ٹھہرا
Yahudi ki ghalazat dhoi jis ne apne hathon se
Wohi tahzeeb o ikhlaq-e-jahan ka mad’a thehra
تصور سے بھی اس کے روح کو خوراک ملتی ہے
جو ریگستان و صحرا میں سمندر کی ہوا ٹھہرا
Tassawur se bhi us ke rooh ko khuraak milti hai
Jo registan o sahra mein samundar ki hawa thehra
مظفر کی ہمیشہ سر پرستی کی درودوں نے
درودوں کی بدولت درخورِ قرب خدا ٹھہرا
Muzaffar ki hamesha sar parasti ki duroodon ne
Duroodon ki badolat darb-e-qurb e Khuda thehra
Share This Naat
Share with friends and family
وجودِ خاک خورشیدِ نبّوت کی
مظفر وارثی