وہ سرورِ کشورِ رسالت

وہ سرورِ کشورِ رسالت جو عرش پر جلوہ گر ہوئے تھے نئے نِرالے طرب کے ساماں عرب کے مہمان کے لئے تھے

Wo Sarwar-e-Kishwar-e-Risalat Jo Arsh Par Jalwa Gar Huay The Naye Nirale Tarab Ke Saman Arab Ke Mehman Ke Liye The

بہار ہے شادیاں مبارک چمن کو آبادیاں مبارک مَلک فلک اپنی اپنی لے میں یہ گھر عنادِل کا بولتے تھے

Bahar Hai Shadiyan Mubarak Chaman Ko Abadiyan Mubarak Malak Falak Apni Apni Le Mein Ye Ghar Anadil Ka Bolte The

وہاں فلک پر یہاں زمیں میں رَچی تھی شادی مچی تھی دُھومیں اُدھر سے اَنوار ہنستے آتے اِدھر سے نفحات اُٹھ رہے تھے

Wahan Falak Par Yahan Zameen Mein Rachi Thi Shadi Machi Thi Dhoomen Udhar Se Anwaar Hanste Aate Idhar Se Nafahat Uth Rahe The

یہ چُھوٹ پڑتی تھی اُن کے رُخ کی کہ عرش تک چاندنی تھی چھٹکی وہ رات کیا جگمگا رہی تھی جگہ جگہ نَصْب آئنے تھے

Ye Chhoot Parti Thi Un Ke Rukh Ki Ke Arsh Tak Chandni Thi Chhatki Wo Raat Kya Jagmaga Rahi Thi Jagha Jagha Nasb Aaine The

نئی دُلھن کی پھبن میں کعبہ نکھر کے سنورا سنور کے نِکھرا حجر کے صدقے کمر کے اِک تِل میں رنگ لاکھوں بناؤ کے تھے

Nayi Dulhan Ki Phaban Mein Kaaba Nikhar Ke Sunwara Sunwar Ke Nikha Hajr Ke Sadqay Kamar Ke Ik Til Mein Rang Lakhon Banaou Ke The

نظر میں دُولھا کے پیارے جلوے حیا سے محراب سر جھکائے سیاہ پردے کے مُنھ پر آنچل تجلّی ذات بحت سے تھے

Nazar Mein Dulha Ke Pyare Jalwae Haya Se Mehrab Sar Jhukaye Siyah Parde Ke Munh Par Anchal Tajalli Zaat Baht Se The

خوشی کے بادل اُمنڈ کے آئے دِلوں کے طاؤس رنگ لائے وہ نغمۂ نعت کا سَماں تھا حرم کو خود وَجد آرہے تھے

Khushi Ke Badal Umand Ke Aaye Dilon Ke Taous Rang laaye Wo Naghma-e-Naat Ka Samaan Tha Haram Ko Khud Wajd Aa Rahe The

یہ جُھوما میزابِ زَر کا جُھومر کہ آرہا کان پَر ڈَھلک کر پُھوہار برسی تو موتی جھڑ کر حطیم کی گود میں بھرے تھے

Ye Jhooma Mezaab-e-Zar Ka Jhoomar Ke Aa Raha Kaan Par Dhalak Kar Phoohar Barsi To Moti Jhad Kar Hatim Ki Goad Mein Bhare The

دُلھن کی خوشبو سے مست کپڑے نسیم گستاخ آنچلوں سے غلافِ مشکیں جو اُڑ رہا تھا غزال نافے بسا رہے تھے

Dulhan Ki Khushboo Se Mast Kapde Naseem Gustakh Anchaloon Se Ghilaf-e-Mushkin Jo Urh Raha Tha Ghazal Nafe Basa Rahe The

پہاڑیوں کا وہ حُسْنِ تزئیں وہ اُونچی چوٹی وہ نازو تمکیں ! صبا سے سبزہ میں لہریں آتیں دُوپٹے دَھانی چُنے ہوئے تھے

Pahadiyon Ka Wo Husn-e-Tazeen Wo Oonchi Choti Wo Nazo Tamkeen! Saba Se Sabza Mein Lehrain Aatin Dupatte Dhani Chune Huay The

نہا کے نہروں نے وہ چمکتا لباس آبِ رَواں کا پہنا کہ موجیں چھڑیاں تھیں دَھار لچکا حبابِ تاباں کے تھل ٹکے تھے

Naha Ke Nehron Ne Wo Chamakta Libaas Aab-e-Rawan Ka Pehna Ke Mojain Chhadiyan Thin Dhaar Lachka Hubab-e-Taban Ke Thal Tike The

پرانا پر داغ مَلگَجا تھا اُٹھا دیا فرش چاندنی کا ہجومِ تارِ نگہ سے کوسوں قدم قدم فرش بادْلے تھے

Purana Pur Dagh Malgaja Tha Utha Diya Farsh Chandni Ka Hajoom-e-Tar-e-Nigah Se Koso Kadam Kadam Farsh Badle The

غبار بن کر نثار جائیں کہاں اب اُس رَہ گزر کو پائیں ہمارے دل حوریوں کی آنکھیں فرشتوں کے پر جہاں بچھے تھے

Ghubar Ban Kar Nisaar Jayein Kahan Ab Us Rah Guzar Ko Payen Hamare Dil Hooriyon Ki Aankhen Farishton Ke Par Jahan Biche The

خدا ہی دے صبر جانِ پر غم دِکھاؤں کیوں کر تجھے وہ عالم جَب اُن کو جھرمٹ میں لے کے قدسی جناں کا دُولھا بنا رہے تھے

Khuda Hi De Sabr Jaan-e-Par Gham Dikhaun Kyun Kar Tujhe Wo Alam Jab Un Ko Jharmat Mein Le Ke Qudsi Jannat Ka Dulha Bana Rahe The

اُتار کر اُن کے رُخ کا صَدقہ یہ نور کا بٹ رہا تھا باڑا کہ چاند سورج مچل مچل کر جبیں کی خیرات مانگتے تھے

Utar Kar Un Ke Rukh Ka Sadqa Ye Noor Ka Bat Raha Tha Baara Ke Chand Suraj Machal Machal Kar Jabeen Ki Khairaat Mangte The

وُہی تو اب تک چھلک رہا ہے وُہی تو جوبن ٹپک رہا ہے نہانے میں جو گرا تھا پانی کٹورے تاروں نے بھر لیے تھے

Wo Hi To Ab Tak Chhalak Raha Hai Wo Hi To Joban Tapak Raha Hai Nahane Mein Jo Gira Tha Pani Katoray Taron Ne Bhar Liye The

بچا جو تلووں کا اُن کے دَھووَن بنا وہ جنت کا رنگ و رَوغن جنھوں نے دُولھا کی پائی اُترن وہ پھول گلزارِ نور کے تھے

Bacha Jo Talwon Ka Un Ke Dhuwan Bana Wo Jannat Ka Rang o Roghan Jinhon Ne Dulha Ki Payi Utarn Wo Phool Gulzar-e-Noor Ke The

خبر یہ تحویل مہر کی تھی کہ رُت سُہَانی گھڑی پھرے گی وہاں کی پوشاک زیب تن کی یہاں کا جوڑا بڑھا چکے تھے

Khabar Ye Tahweel Mehr Ki Thi Ke Rut Suhani Ghadi Phiregi Wahan Ki Poshak Zaib Tan Ki Yahan Ka Jora Barha Chuke The

تجلّیِ حق کا سہرا سر پر صلوٰۃ و تسلیم کی نچھاوَر دو رویہ قدسی پَرے جما کر کھڑے سلامی کے واسطے تھے

Tajalli-e-Haq Ka Sehra Sar Par Salat o Tasleem Ki Nichawar Do Rawiha Qudsi Pare Jama Kar Khade Salami Ke Wastay The

جو ہم بھی واں ہوتے خاکِ گلشن لپٹ کے قدموں سے لیتے اُترن مگر کریں کیا نصیب میں تو یہ نامُرادی کے دِن لکھے تھے

Jo Hum Bhi Wan Hote Khaak-e-Gulshan Lipat Ke Kadmon Se Lete Utarn Magar Karein Kya Naseeb Mein To Ye Namuradi Ke Din Likhe The

ابھی نہ آئے تھے پشت زیں تک کہ سَر ہوئی مغفرت کی شِلِّک صَدا شفاعت نے دی مُبارک! گناہ مستانہ جھومتے تھے

Abhi Na Aaye The Pusht Zeen Tak Ke Sar Hui Maghfirat Ki Shilk Sada Shafaat Ne Di Mubarak! Gunaah Mastana Jhoomte The

عجب نہ تھا رخش کا چمکنا غزال دَم خوردَہ سا بھڑکنا شعاعیں بکے اُڑا رہی تھیں تڑپتے آنکھوں پہ صاعقے تھے

Ajab Na Tha Rakhsh Ka Chamakna Ghazal Dam Khurda Sa Bhadakna Shuaein Buke Ura Rahi Thin Tarpate Aankhon Pe Saaqiye The

ہجومِ اُمید ہے گھٹاؤ مُرادیں دے کر انھیں ہٹاؤ اَدَب کی باگیں لیے بڑھاؤ ملائکہ میں یہ غُلْغُلے تھے

Hajoom-e-Umeed Hai Ghatao Muradein De Kar Inhein Hatao Adab Ki Bagein Liye Barhao Malaika Mein Ye Ghalghale The

اُٹھی جو گردِ رہِ مُنوَّر وہ نور برسا کہ راستے بھر گھرے تھے بادل بھرے تھے جل تھل اُمَنڈ کے جنگل اُبل رہے تھے

Uthi Jo Gurd-e-Rah-e-Munawar Wo Noor Barsa Ke Raste Bhar Ghaye The Badal Bhare The Jal Thal Umand Ke Jungle Ubal Rahe The

سِتَم کیا کیسی مَت کٹی تھی قمر! وہ خاک اُن کے رَہ گزر کی اُٹھا نہ لایا کہ ملتے ملتے یہ داغ سب دیکھتا مٹے تھے

Sitam Kya Kaisi Mat Kati Thi Qamar! Wo Khaak Un Ke Rah Guzar Ki Utha Na Laya Ke Milte Milte Ye Dagh Sab Dekhta Mate The

براق کے نقشِ سم کے صدقے وہ گل کھلائے کہ سارے رَستے مہکتے گلبن لہکتے گلشن ہَرے بھرے لہلہا رہے تھے

Buraq Ke Naqsh-e-Sam Ke Sadqe Wo Gul Khilae Ke Saare Raste Mahakte Gulban Lehte Gulshan Hare Bhare Lehla Rahe The

نمازِ اَقصٰی میں تھا یہی سِرّ عیاں ہوں مَعنیِ اَوَّل آخر کہ دَست بستہ ہیں پیچھے حاضر جو سلطنت آگے کر گئے تھے

Namaz-e-Aqsa Mein Tha Yehi Sirr Ayaan Hon Maini-e-Awwal Aakhir Ke Dast Basta Hain Peechhe Haazir Jo Saltanat Aage Kar Gaye The

یہ اُن کی آمد کا دَبدبہ تھا نکھار ہر شَے کا ہو رہا تھا نجوم و افلاک جام و مِینا اُجالتے تھے کھنگالتے تھے

Ye Un Ki Amad Ka Dabdaba Tha Nikhaar Har Shay Ka Ho Raha Tha Najum o Aflak Jam o Meena Ujalte The Khangalte The

نقاب اُلٹے وہ مہر اَنور جلالِ رُخسار گرمیوں پر فلک کو ہیبت سے تپ چڑھی تھی تپکْتے اَنجُم کے آبلے تھے

Niqaab Uthlete Wo Mehr Anwar Jalal-e-Rukhsaar Garmiyon Par Falak Ko Haibat Se Tap Chadi Thi Tapakte Anjum Ke Aable The

یہ جوشِشِ نور کا اَثر تھاکہ آبِ گوہر کمر کمر تھا صفائے رہ سے پھسل پھسل کر ستارے قدموں پہ لوٹتے تھے

Ye Joshish-e-Noor Ka Asar Tha Ke Aab-e-Gauhar Kamar Kamar Tha Safaaye Rah Se Phisl Phisl Kar Sitaray Kadmon Pe Lottte The

بڑھا یہ لہرا کے بحر وَحدت کہ دُھل گیا نامِ ریگ کثرت فلک کے ٹِیلوں کی کیا حقیقت یہ عرش و کرسی دو بُلبُلے تھے

Barha Ye Lehra Ke Bahr Wahdat Ke Dhul Gaya Naam-e-Reeg Kasrat Falak Ke Tilon Ki Kya Haqiqt Ye Arsh o Kursi Do Bulbule The

وہ ظِلِ رَحمت وہ رُخ کے جلوے کہ تارے چھپتے نہ کھلنے پاتے سنہری زَرْبَفْت اُودِی اَطلس یہ تھان سب دُھوپ چھاؤں کے تھے

Wo Zil-e-Rahmat Wo Rukh Ke Jalwe Ke Tare Chhupte Na Khilne Paate Sunehri Zarbaft Oodi Atlas Ye Thaan Sab Dhoop Chaon Ke The

چلاوہ سروِ چَمَاں خراماں نہ رُک سکا سدرہ سے بھی دَاماں پلک جھپکتی رہی وہ کب کے سب اِین وآں سے گزر چکے تھے

Chalawa Sarv-e-Chaman Kharaman Na Ruk Saka Sidrah Se Bhi Daman Palak Jhaptki Rahi Wo Kab Ke Sab Een Wan Se Guzar Chuke The

جھلک سی اِک قدسیوں پر آئی ہوا بھی دامن کی پھرنہ پائی سواری دُولھا کی دُور پہنچی برات میں ہوش ہی گئے تھے

Jhalak Si Ek Qudsiyon Par Aayi Hawa Bhi Daman Ki Phir Na Payi Sawari Dulha Ki Door Pahunche Baraat Mein Hosh Hi Gaye The

تھکے تھے رُ وْح ُالا َ مِیں کے بازُو چھٹا وہ دامن کہاں وہ پہلو رِکاب چھوٹی اُمید ٹوٹی نگاہِ حسرت کے وَلولے تھے35

Thake The Ruhul Ameen Ke Bazoo Chhuta Wo Daman Kahan Wo Pehlu Rikab Chhuti Umeed Tooti Nigah-e-Hasrat Ke Walwale The

رَوِش کی گرمی کو جس نے سوچا دِماغ سے اِک بھبو کا پھُوٹا خرد کے جنگل میں پھول چمکا دَہر دَہر پیڑ جل رہے تھے

Ravish Ki Garmi Ko Jis Ne Socha Dimagh Se Ek Bhabo Ka Phoota Khirad Ke Jungle Mein Phool Chamka Dahr Dahr Ped Jal Rahe The

جِلو میں جو مرغِ عقل اُڑے تھے عجب برے حالوں گرتے پڑتے وہ سدرہ ہی پر رَہے تھے تھک کر چڑھا تھا دَم تیور آگئے تھے

Jilo Mein Jo Murgh-e-Aql Udre The Ajab Buray Halon Girtay Padtay Wo Sidra Hi Par Rahe The Thak Kar Chadhah Tha Dam Tiyor Aagaye The

قوی تھے مرغانِ وَہم کے پَر اُڑے تو اُڑنے کو اَور دَم بھر اُٹھائی سینے کی ایسی ٹھوکر کہ خونِ اَندیشہ تھوکتے تھے

Qawi The Murghan-e-Waham Ke Par Udre To Udne Ko Aur Dam Bhar Uthayi Seene Ki Aisi Thokar Ke Khoon-e-Andesha Thookte The

سنا یہ اتنے میں عرشِ حق نے کہ لے مبارک ہوں تاج والے وہی قدم خیر سے پھر آئے جو پہلے تاجِ شرف تِرے تھے

Suna Ye Itne Mein Arsh-e-Haq Ne Ke Le Mubarak Hon Taj Wale Wohi Qadam Khair Se Phir Aaye Jo Pehle Taj-e-Sharf Tere The

یہ سن کے بے خود پکار اُٹھا نثار جاؤں کہاں ہیں آقا پھر ان کے تلووں کا پاؤں بوسہ یہ میری آنکھوں کے دِن پھرے تھے

Ye Sun Ke Be Khud Pukar Utha Nisaar Jaoun Kahan Hain Aaqa Phir Un Ke Talwon Ka Paaon Bosa Ye Meri Aankhon Ke Din Phire The

جھکا تھا مجرے کو عرشِ اَعلیٰ گرے تھے سجدے میں بزمِ بالا یہ آنکھیں قدموں سے مَل رہا تھا وہ گرد قربان ہورہے تھے

Jhuka Tha Mujray Ko Arsh-e-Ala Gire The Sajde Mein Bazm-e-Bala Ye Aankhen Kadmon Se Mal Raha Tha Wo Gurd Qurban Ho Rahe The

ضیائیں کچھ عرش پر یہ آئیں کہ ساری قندیلیں جھلملائیں حضورِ خورشید کیا چمکتے چراغ منھ اپنا دیکھتے تھے

Ziyaen Kuch Arsh Par Ye Aayeen Ke Saari Qandeelain Jhalmilayeen Huzoor-e-Khursheed Kya Chamakte Chiragh Munh Apna Dekhte The

یہی سَمَاں تھا کہ پَیکِ رحمت خبر یہ لایا کہ چلیے حضرت تمہاری خاطر کشادہ ہیں جو کلیم پر بند راستے تھے

Yehi Samaan Tha Ke Paik-e-Rahmat Khabar Ye Laya Ke Chaliye Hazrat Tumhari Khaatir Kushada Hain Jo Kaleem Par Band Raste The

بڑھ اے محمد قریں ہو احمد قریب آ سرورِ مُمَجَّد نثار جاؤں یہ کیا ندا تھی یہ کیا سَمَاں تھا یہ کیا مزے تھے

Barh Ae Muhammad Qareen Ho Ahmad Qareeb A Sarwar-e-Mumajad Nisaar Jaaoun Ye Kya Nida Thi Ye Kya Samaan Tha Ye Kya Maze The

تَبَارَکَ اللہ شان تیری تجھی کو زیبا ہے بے نیازی کہیں تو وہ جوشِ لَنْ تَرَانِی کہیں تقاضے وِصال کے تھے

Tabaarak Allah Shaan Teri Tujhi Ko Zeeba Hai Be Niyaazi Kahin Tu Wo Josh-e-Lan Tarani Kahin Taqaze Wisal Ke The

خرد سے کہدو کہ سر جھکا لے گماں سے گزرے گزرنے والے پڑے ہیں یاں خود جِہَت کو لالے کسے بتائے کدھر گئے تھے

Khirad Se Kehdo Ke Sar Jhuka Le Guman Se Guzre Guzarne Wale Pade Hain Yaan Khud Jihat Ko Lale Kise Batae Kudhar Gaye The

سُراغ اَین و متیٰ کہاں تھا نشانِ کیف و اِلیٰ کہاں تھا نہ کوئی راہی نہ کوئی ساتھی نہ سنگِ منزل نہ مرحلے تھے

Suragh Ain o Mata Kahan Tha Nishaan-e-Kaif o Ila Kahan Tha Na Koi Rahi Na Koi Saathi Na Sang-e-Manzil Na Marhale The

اُدھر سے پیہم تقاضے آنا اِدھر تھا مشکل قَدَم بڑھانا جلال وہیبت کا سامنا تھا جمال و رحمت اُبھارتے تھے

Udhar Se Paiham Taqaze Aana Idhar Tha Mushkil Qadam Barhana Jalal Wo Heybat Ka Saamna Tha Jamal o Rahmat Ubharte The

بڑھے تو لیکن جھجھکتے ڈرتے حیا سے جُھکتے ادب سے رکتے جو قرب انھیں کی رَوِش پہ رکھتے تو لاکھوں منزل کے فاصلے تھے

Badhe To Lekin Jhijhate Darte Haya Se Jhukte Adab Se Rukte Jo Qurb Inhein Ki Ravish Pe Rakhte To Lakhon Manzil Ke Faasle The

پر ان کا بڑھنا تو نام کو تھا حقیقۃً فِعل تھا اُدھر کا تَنَزُّلوں میں ترقی اَفزا دَنیٰ تَدَلّٰے کے سلسلے تھے

Par Un Ka Barhna To Naam Ko Tha Haqiqat Fa'il Tha Udhar Ka Tanazulon Mein Taraqqi Afza Dana Tadalla Ke Silsile The

ہوا نہ آخر کہ ایک بجْرا تَمَوُّجِ بحر ہُو میں اُبھرا دَنیٰ کی گودی میں ان کو لے کر فنا کے لنگراُٹھا دِیے تھے

Hua Na Aakhir Keh Ek Bajra Tamojg-e-Bahr Hu Mein Ubhra Dana Ki Ghodi Mein Un Ko Lekar Fana Ke Langar Utha Diye The

کسے ملے گھاٹ کا کنارا کدھر سے گزرا کہاں اُتارا بھرا جو مثل نظر طرارا وہ اپنی آنکھوں سے خود چھپے تھے

Kise Mile Ghaat Ka Kinara Kahaan Se Guzra Kahan Utara Bhra Jo Misl Nazar Tarara Wo Apni Aankhon Se Khud Chupe The

اُٹھے جو قصرِدنیٰ کے پردے کوئی خبر دے تو کیا خبر دے وہاں تو جاہی نہیں دُوئی کی نہ کہہ کہ وہ بھی نہ تھے ارے تھے

Uthe Jo Qasr-e-Dana Ke Parde Koi Khabar De To Kya Khabar De Wahan To Jahi Nahi Dooil Ki Na Keh Ke Wo Bhi Na The Are The

وہ باغ کچھ ایسا رنگ لایا کہ غنچَہ و گل کا فرق اُٹھایا گرہ میں کلیوں کی باغ پھولے گلوں کے تکمے لگے ہوئے تھے

Wo Bagh Kuch Aisa Rang Laya Ke Ghuncha o Gul Ka Farq Uthaya Girah Mein Kaliyon Ki Bagh Phoolay Gulon Ke Takme Lage Huye The

محیط و مرکز میں فرق مشکل رہے نہ فاصِل خطوط واصِل کمانیں حیرت میں سر جھکائے عجیب چَکر میں دائرے تھے

Muheet o Markaz Mein Farq Mushkil Rahe Na Faasil Khutoot Wasl Kamaan Hain Hairat Mein Sar Jhukaye Ajib Chakar Mein Daire The

حجاب اٹھنے میں لاکھوں پردے ہرایک پر دے میں لاکھوں جلوے عجب گھڑی تھی کہ وصل و فرقت جنم کے بچھڑے گلے ملے تھے

Hijaab Uthne Mein Lakhon Parde Har Ek Parde Mein Lakhon Jalwe Ajib Ghari Thi Ke Wasl o Firaqat Janam Ke Bichhde Gale Mile The

زبانیں سوکھی دکھا کے موجیں تڑپ رہی تھیں کہ پانی پائیں بھنور کو یہ ضعف تشنگی تھا کہ حلقے آنکھوں میں پڑ گئے تھے

Zabanen Sookhi Dikha Ke Mojen Tarp Rahi Thin Ke Pani Payen Bhanwar Ko Ye Zaaf Tashnaghi Tha Ke Halke Aankhon Mein Pad Gaye The

وہی ہے اوّل وہی ہے آخر وہی ہے باطن وہی ہے ظاہر اُسی کے جلوے اُسی سے ملنے اُسی سے اُس کی طرف گئے تھے

Wohi Hai Awwal Wohi Hai Aakhir Wohi Hai Batin Wohi Hai Zahir Usi Ke Jalwe Usi Se Milne Usi Se Us Ki Taraf Gaye The

کمانِ امکاں کے جھوٹے نقطو تم اوّل آخر کے پھیرمیں ہو محیط کی چال سے تو پوچھو کدھر سے آئے کدھر گئے تھے

Kamaan-e-Imkaan Ke Jhoote Naqto Tum Awwal Aakhir Ke Pher Mein Ho Muheet Ke Chaal Se Tu Puchho Kidhar Se Aaye Kidhar Gaye The

ادھر سے تھیں نذرشہ نمازیں ادھر سے انعامِ خسروی میں سلام و رحمت کے ہار گندھ کر گلوئے پر نور میں پڑے تھے

Idhar Se Thin Nazar Shah Namazein Idhar Se Inaam-e-Khusrawi Mein Salam o Rahmat Ke Haar Gandh Kar Galue Par Noor Mein Pare The

زبان کو اِنتظارِ گُفْتَن تو گوش کو حسرتِ شنیدن یہاں جو کہنا تھا کہہ لیا تھا جو بات سننی تھی سن چکے تھے

Zaban Ko Intizaar Guftan To Gosh Ko Hasrat Shunidan Yahan Jo Kehna Tha Keh Liya Tha Jo Baat Sunni Thi Sun Chuke The

وہ برج بطحا کا مَاہ پارہ بہشت کی سَیر کو سدھارا چمک پہ تھا خلد کا ستارہ کہ اس قمر کے قدم گئے تھے

Wo Burj-e-Batha Ka Maah Paara Behesht Ki Sair Ko Sidhara Chamak Pe Tha Khuld Ka Sitara Ke Is Qamar Ke Qadam Gaye The

سرور مَقْدَم کی روشنی تھی کہ تابشوں سے مہِ عرب کی جناں کے گلشن تھے جھاڑ فرشی جو پھول تھے سب کنول بنے تھے

Sarwar Maqdam Ki Roshan Thi Ke Tabishon Se Meher Arab Ki Jannat Ke Gulshan The Jhaar Farsi Jo Phool The Sab Kanwal Bane The

طرب کی نازِش کہ ہاں لچکیے اَدَب وہ بندش کہ ہل نہ سکیے یہ جوشِ ضِدَّین تھا کہ پودے کشاکشِ اَرَّہ کے تلے تھے

Tarab Ki Nazish Ke Haan Lachkiye Adab Wo Bandash Ke Hil Na Sakiye Ye Josh-e-Zideen Tha Ke Pode Kshaksh-e-Arrah Ke Tale The

خدا کی قدرت کہ چاند حق کے کروروں منزل میں جلوہ کرکے ابھی نہ تاروں کی چھاؤں بدلی کہ نور کے تڑکے آلیے تھے

Khuda Ki Qudrat Ke Chand Haq Ke Karoorn Manzil Mein Jalwah Karke Abhi Na Taron Ki Chaun Badali Ke Noor Ke Tarke Aaliye The

نبی رحمت شفیعِ اُمّت! رضاؔ پہ لِلّٰہ ہو عنایت اسے بھی ان خلعتوں سے حصہ جو خاص رَحمت کے واں بٹے تھے

Nabi Rahmat Shafi-e-Ummat! Raza Par Lillah Ho Inayat Use Bhi Un Khilatoun Se Hissa Jo Khaas Rahmat Ke Wan Bate The

ثنائے سرکار ہے وَظیفہ قبولِ سَرکار ہے تَمَنَّا نہ شاعری کی ہوس نہ پَروا رَوِی تھی کیا کیسے قافیے تھے

Sana-e-Sarkaar Hai Wazifah Qabool-e-Sarkaar Hai Tamanna Na Shayari Ki Hawas Na Parwah Rawi Thi Kya Kaise Qafiye The

Share This Naat

Related Naats

گناہوں کے مریضوں کا شفا خانہ ہے یہ روضہ

اللہ دے کرم سیتی ملیا اے نبی سوہناں

شہا مرتبے کون جانے تیرے

وقف جاناں ہے زندگی اپنی