وہ واعظ و خطیب وہ اہلِ قلم غلط
سب منکرینِ عظمتِ شاہِ امم غلط
Wo waiz o khateeb wo ahl-e-qalam ghalat
Sab munkireen-e-azmat-e-shah-e-umm ghalat
فرمایا مصطفیٰؐ نے ہے معبود ایک رب
باقی سبھی خدا ہیں غلط ہر صنم غلط
Far maya Mustafa ne hai mabood aik Rabb
Baaki sabhi Khuda hain ghalat har sanam ghalat
رقصاں ہوئی چمن میں بہارِ نشاطِ عام
صدقے میں مصطفیٰؐ کے ہوئے جگ کے غم غلط
Raqsan hui chaman mein bahar-e-nashat-e-aam
Sadqe mein Mustafa ke huye jag ke gham ghalat
اس کے سجود کام نہ آئیں گے جو کہے
ہے حشر میں شفاعت شاہِ امم غلط
Is ke sujood kaam na aaein ge jo kahe
Hai hashr mein shafaat shah-e-umm ghalat
تو سنتِ نبیؐ سے ہے غافل تو پھر ترا
دعوائے حُبِ صاحبِ جود و کرم غلط
Tu sunnat-e-Nabi se hai ghaafil to phir tera
Dawa-e-hub-e-sahib-e-jood-o-karam ghalat
تقویٰ نہ کام آئے گا حُبِ نبیؐ بغیر
زاہد ہے نازِ زہد کا تیرا بھرم غلط
Taqwa na kaam aae ga hub-e-Nabi baghair
Zahid hai naaz-e-zuhd ka tera bharam ghalat
ہے حکمِ احترامِ مذاہب نبیؐ کا جب
پھر تو ہے بغضِ دیر و کلیسا حرم غلط
Hai hukm-e-ehtram-e-mazahib Nabi ka jab
Phir tu hai bughz-e-deyr-o-kaleesa haram ghalat
مثلِ نجوم سب ہیں صحابہ رسولؐ کے
تفریق ان میں ہم جو کریں تو ہیں ہم غلط
Misal-e-najoom sab hain sahaba Rasool ke
Tafreeq un mein hum jo karein to hain hum ghalat
پھر تو جلوس و جلسۂ سیرت ہیں رائگاں
سنّت کے بر خلاف اٹھا گر قدم غلط
Phir tu jaloos o jalsa-e-seerat hain raigaan
Sunnat ke bar khilaf utha gar qadam ghalat
ہوگی نہ معتبر تری نعتِ رسولِ پاکؐ
احسؔن جو واقعات کروگے رقم غلط
Hogi na motabar teri naat-e-Rasool-e-Pak
Ahsan jo waqiat karoge raqam ghalat
Share This Naat
Share with friends and family
وہ واعظ و خطیب وہ اہلِ قلم غلط
احسن اعظمی