Hamad
وہی خالق وہی داتا بَہر صورت بَہر عنواں
وہی خالق وہی داتا بَہر صورت بَہر عنواں
وہی قادر وہی مولا بَہر صورت بَہر عنواں
Wohi Khaliq wohi Data ba-har soorat ba-har unwan
Wohi Qadir wohi Maula ba-har soorat ba-har unwan
خدا کے حکم پر جو بھی چلا، قرآن و سنت پر
مقدّر اس کا بھی چمکا، بَہر صورت بَہر عنواں
Khuda ke hukum par jo bhi chala, Quran o Sunnat par
Muqaddar us ka bhi chamka, ba-har soorat ba-har unwan
یہ سانسیں بھی عطا اُس کی، اُسی کے بندے ہم سارے
خدا کا سب پہ ہے سایا، بَہر صورت بَہر عنواں
Yeh sansain bhi ata us ki, usi ke bande hum sare
Khuda ka sab pe hai saya, ba-har soorat ba-har unwan
سبھی پر ہے کرم اس کا وہی ہے قادرِ مطلق
کوئی گورا ہو یا کالا، بَہر صورت بَہر عنواں
Sabhi par hai karam us ka wohi hai Qadir e Mutlaq
Koi gora ho ya kala, ba-har soorat ba-har unwan
وہی رزّاقِ عالَم ہے، وہی ہر اِک کا داتا ہے
وہی ہے پالنے والا، بَہر صورت بَہر عنواں
Wohi Razzaq e Alam hai, wohi har ik ka Data hai
Wohi hai palne wala, ba-har soorat ba-har unwan
میرے دامن میں جو کچھ ہے بفیضِ سرورِ دیں ہے
یہ سب کچھ ہے میرے رب کا، بَہر صورت بَہر عنواں
Mere daman mein jo kuch hai ba-faiz e Sarwar e Deen hai
Yeh sab kuch hai mere Rab ka, ba-har soorat ba-har unwan
رسولِ پاکﷺ کا ہوں اُمّتی یہ ہے شرف مجھ کو
زباں پر شکر ہے رب کا، بَہر صورت بَہر عنواں
Rasool e Pak ﷺ ka hoon Ummati yeh hai sharaf mujh ko
Zuban par shukar hai Rab ka, ba-har soorat ba-har unwan
دُعا کر رب سے اے طاہرؔ، زبانِ دل سے یہ کہہ دے
کرم مولا، کرم داتا، بَہر صورت بَہر عنواں
Dua kar Rab se ae Tahir, zaban e dil se yeh keh de
Karam Maula, karam Data, ba-har soorat ba-har unwan
Share This Naat
Share with friends and family
وہی خالق وہی داتا بَہر صورت بَہر عنواں
طاہر سلطانی