وہ دل سے فدائے شہِ لولاک نہیں ہے
جو ہجر میں بادیدۂ نمناک نہیں ہے
Woh dil se fidaye Shah-e-Lolák nahin hai
Jo hijr mein badida-e-namnák nahin hai
ہے پاس فقط حُبِ شہِ دیں کا اثاثہ
دامن میں کوئی حصۂ املاک نہیں ہے
Hai paas faqat hub-e-Shah-e-Deen ka asásah
Dáman mein koi hissa-e-amlák nahin hai
ایمانی نشیمن مرا تجھ سے نہ جلے گا
اے برق! یہ کاشانۂ خاشاک نہیں ہے
Eemáni nasheman mera tujh se na jale ga
Ae barq! Ye kashanah-e-khashák nahin hai
بے مثل ہے کونین میں ذاتِ شہِ والا
نبیوں میں بھی مثلِ شہِ لولاک نہیں ہے
Be misl hai konain mein zát-e-Shah-e-Wala
Nabiyon mein bhi misl-e-Shah-e-Lolák nahin hai
اوصافِ نبیؐ حیطۂ تحریر میں لائیں
حاصل ہمیں یہ علم یہ ادراک نہیں ہے
Ausaaf-e-Nabi (SAW) haýta-e-tahreer mein laaein
Háasil hamen ye ilm ye idrák nahin hai
کیا منزلِ قوسین پہ پہنچے نہیں آقاؐ
کیا زیرِ قدم رفعتِ افلاک نہیں ہے
Kya manzil-e-Qausain pe pohnche nahin Áqá (SAW)
Kya zer-e-qadam rufat-e-aflák nahin hai
روشن ہوئے وہ خطے نبیؐ گزرے جدھر سے
یہ کیا ہے جو فیضِ قدمِ پاک نہیں ہے
Roshan huye woh khittay Nabi (SAW) guzre jidhar se
Ye kya hai jo faýz-e-qadam-e-pák nahin hai
دعویٰ ہے غلط تیرا غلامیِ نبیؐ کا
جائز جو ترا لقمۂ خوراک نہیں ہے
Dawa hai galat tera ghulámi-e-Nabi (SAW) ka
Jáez jo tera luqma-e-khorák nahin hai
ہو سکتا نہیں عاشقِ سرکار وہ احسؔن
ایمان سے دل اس کا اگر پاک نہیں ہے
Ho sakta nahin ‘aashiq-e-Sarkár woh Ahsan
Eemán se dil us ka agar pák nahin hai
Share This Naat
Share with friends and family
وہ دل سے فدائے شہِ لولاک نہیں ہے
احسن اعظمی